Ka elekshon MDC husiar paidbah

Ka election ka leit ka wan u paidbah nongtep vote u shongshit lamwir namar kliaw ki kyrmen beit ban ioh pisa na ki candidate bad leader jong ki khlem tip shuh ia kaba dei ba lait ne ka jingmyntoi ha ka roi ka par jong ki shnong ki thaw, ka thain bad ka constituency hi baroh kawei hynrei ki klet noh ia la ka nongrim ba ki la dep sain shwa ka election ban jied ia u / ka briew ba la nang la stad bad shemphang ban trei ia ki kam ym ban khein tang ki nia ban pynneh ia ka khyndew ka shyiap, ka riti dustur bad khamtam ia ka jait bynriew hynrei wat tang ban iakhih tyngeh shisha naduh mynsiem ban pynmih ne shna ia ki ain ki kanun kim tip ne bna ei ei ban iakhun shisha ha ban da ioh ia kita ki ain riti dustur lane ki Bill ban iada ia ka jait bynriew lajong.
Haba phai ia ki Bill ba la shna da u Bah H.S Shylla CEM bad ka kynhun jong u ha KHADC ym don uwei ruh ban ia paw lang ban pynpaw lang bad mih shakhmat ban pyni ia ki jingdonkam ki 3 tylli ki Bill ba la ia ksaid u CEM hynrei ha ki kot khubor bad social media ka paw tang ma u marwei uba ksaid tyngeh ban pynpaw ia ki jingdonkam ki ain ban iada ia ka jait bynriew hynniew trep, donbok ba ki kyrshan lem ki sengbhalang ieit ri ieit jaidbynriew khnang ban pynurlong ia ki ain bad ki Bill ba donkam eh ka jait bynriew ba la jan shah tyllep ha ki um saw. Namarkata ngi donkam ia u briew ba shemphang bad pyrkhat ia ka roi ka par bad ban kyntiew ia ka shnong ka thaw ka ri bad ka jait bynriew baroh kawei nga kyntu lang ia phi ko paid nongjied ban pyrkhat sani bha shwa ban jied ym dei ban jied ia ki tang ba la ioh pisa hynrei ban shet bad die duh pat ia ka roi ka par ka shnong ka thaw ka constituency ba ka jait bynriew ioh hadien phin kynnoh ia kiwei kiba bieit bad ki bym shim khia ban trei na bynta ka ri bad jait bynriew bad sah ha ka jingbabe shi rta. Namar shisien la ieit tang ia ka pisa khlem pynshong dor ka poi ha ka jingjot.
Namarkata ko phi ki paidbah nongthep vote kiei kiei baroh ka shong ha phi kumno ban nang ban jied ia ki candidate ba trei hok na ka bynta ka shnong ka thaw ka thain ka constituency bad ka jait bynriew ym dei ban jied tang namarba ieit party / ieit briew/ ieit ba la ioh pisa hynrei pynshong dor bha ban jied ia u/ka briew ba shim khia ia ka jait bynriew lajong.
Ngi kyrmen ba phin jied ia u/ka briew kaba la shemphang kumno ban iasaid lane shna ain ha ka District Council bad ban trei ia ka roi ka par jong ka jaitbynriew katkum ba ki pynkup bor da ka constituency jong ka Ri India. Ka jylla Meghalaya ka la donkam kyrkieh ia ka I.L.P bad kiwei ki ain kiba lah ban teh lakam ban iada ia ka Ri Hynniew Trep Hynniew Skum ba rit paid jong ngi hynrei lada ym wan kum ka CAB ban pynkyndit bynriew ngim pat phohsniew I.L.P ki MLA, MDC lane MP bad ki seng bhalang bad ki paidbah ki dang iohthiah lyngngai. Kaba eh ba mynta ka sorkar u Modi ha Delhi kaba buit tuh kan pyntrei kam ha kano kano ka por ia ka CAB ngi kum ka jait bynriew rit paid kin jah klep syndon bad u Modi ruh da ka jingbuit tuh u ap kliaw ban ioh chance ha kawei ka por ynda la iohthiah biang ki opponent Government jong ki jylla bapher bapher bad ki pressure Groups ban pynurlong ain ynda la wan biang ha ka bor next MP election.
Kumta ngi khmih lynti ba dei ban pynurlong ain ia ka I.L.P. Watla mynta la lah ban khanglad shi por ia ka CAB ba kan long ain bad ban pass hapoh ka Rajya Sabha. Ngi kitbok bad ai mynsiem ia ki NGOs bad ki sorkar jylla bapher bapher ba la iakhun pyrshah CAB ban trei shitom na bynta ka jait bynriew bad kyntu ruh ia ki NGOs kiba thrang ban pynurlong ain ia ka I.L.P kin trei shitom haduh da ioh ban pynurlong ain noh bad ban ioh kheit ia u soh bathiang ka jait bynriew kumba la khmih lynti naduh ba sdang.
Kyntang iawai nga kyntu ia phi ki nongjied ban jied ia uba lah da ki kam ym dei u/kaba shu thiang bad khlein tang ka nia khamtam ia kito kiba phi la ioh mad phi dei ban sian kumno ban jied bad ailad ba kin wan biang ha ka bor jong ka jingjop.
M. Tding,
Khat arshnong, Sohra Constituency,
Mob No. 7629922686.