AIS SUJA
Ka Egypt ha ki por u syiem Pharaoh ka long kaba jynjar sat. kadaw ka long ba u syiem u ialeh pyrshah ia u Blei bad ia ki briew jong u, Ki Israel kein. U Blei u laphah da ki bunjait ki jingpynshitom, kum kaba pynkylla snam ia ki wah ki um, kaba phah ia ki jakoid sha ing briew bad ing syiem, kaba pynkylla jynrein ia ka dew met, kaba boi da ki skain, ka jingiap khlam ki mrad, kaba phah da ki tohjaw, kaba shoh da u phria ubaheh, kaba shoh da ki puit khlam(Locusts), kaba pyndum tliew tliew lai sngi lai miet ha Ri Egypt, kaba pyniap ia ki khun nyngkong (khunlung). Exodus, lynnong 7,8,9,10,11 la batai lut hangto.
Ngi iohi ba ki daw ba kongsan ba u Blei u hap ban phah da kine ki jingpynshitom ha ki Ri Egypt dei namar ka jingbymngeit Blei jong ki nong Egypt ia ki khun Israel ia kiba kila ialam mraw shapoh Egypt. Hangne ka pyni ba u Blei u bitar ia ka jingeh dohnud ki Egypt bad u Syiem pharaoh ba kim treh ban pdiang ne sngewthuh ia u Blei ki Israel u Blei uba im. Bad kawei pat dei namar ba ki la pynshitom sat ia ki Israel ki ba dei ki briew jong u Blei.
Ki nong Egypt (Egyptians) kim kwah ban sngewthuh uei u ba leh ia kine ki kambah jingpynshitom halor jongki bad kim treh bad phai sha u Blei. Hynrei ha kaja kata, kita koi nongleh byrtong ka Ri Egypt ruh ki la leh kumta ban pynmih jynrein da ki jingleh myntor jong ki, hynrei kimlah: kumta ladei kita ki jynrein ha u briew bad u mrad. Ynda kumta ki nongleh byrtong ki la ong ha u syiem Pharaoh – kane ka long ka shynriahti ka jong u Blei. La kata ruh la nang iai pyneh ia ka dohnud u Pharaoh. Exodus 8:18-19.
Kajuk kaba ngi im, kalong kum kito ki juk ki nong Egypt hakaba ki briew kimtreh kim kwah ban tip ban sngew ia ka jingshisha ka ktien u Blei. Ki pyneh ialaki dohnud kum ka dohnud Pharaoh.
Bun ki Ri ki Hima pyrthei mynta ki sngewskhem haka spah ha ka jimgstad bad ha ka bor, kim treh pat ban tip nangno ki ioh ia ka spah. Ia ka jingstad bad ia ki Bor (power) kumta ki sngew b aka pyrthei kadei ka jong ki bad ong ba ymdon u Blei. Haba u Blei u iohi ia ka dohnud u briew hakine ki sngi ba ka ieng hala ka por ka jingstad bad shaniah ha kaspah, u Blei u sdang ban pyni kein ia ka bor jong u mynta ha ka pyrthei hi baroh kawei.
Haba u Blei u sdang ban pyni ia ka bor jong u ki riewstad ka pyrthei ki ong kane ka kamdei na I u Blei hynrei na u Briew. Hymrei to tip ymtang ba u Blei u long uba ieit hynrei u Blei u long ruh ka jingbitar bakhraw halor ka pateng kaba kyntait ia u. Mynta ngi iohi ba ka khlam kaba wan hap ha ka pyrthei iakaba ngi ong corona ka long ka jingbitar u Blei haka pyrthei baroh kawei. Mynta pat ki puit khlam (Locusts) kila wan bad her ha kylleng pyrthei bad ha ri India, kin ia ong pat kumno? Mynta pat lawan sa kita ki skain dait ne ki kjit snam briew kiba la wan poi ha Russia, yn ia ong pat kumno? Baroh kilong baleh u Briew?. Kynmaw ka la long ka por ka jingbitar jong u Blei bad mynta hi. Hadien kine ymtip shuh sa kiei de kiba u Blei un phah sha kane ka pyrthei!. Hato u Blei unleh kumba u la leh ha Ri Egypt hyndai?
Kalong kaba shyrkhei, lada ki briew ki Ri ki Hima kin kyntait iaka jingtip ia u Blei sa katno pat u Blei un phah ki jingsniew halor ki Ri ki hima pyrthei! Ki Ri kiba kyntait ia u Blei uba im ki ri kiba pynshitom bein ia ki kristan kiba long ki Israel ba kynja mynsiem, ka jingbitar u Blei kawan kein. Ong u Malakhi – “Ka sngi ka jingbishar ka la jan” Malakhi 2:17. U Blei u kren shai kdar shaphang ka jingkohnguh bad jingbymkohnguh jong ki briew bad ka bainong aiu kin iohi!. U Blei u kular da kaba ong – “ u Trai un shim noh na me ia ka jingkhrew baroh: bad un um buh halor jongme ia ka wei kein na kita ki jingpang kiba sinew jong ka Ri Egypt ia kiba me tip”. Deuteronomi 7:15. Ki jingpang ka Ri Egypt ki long ki ba shyrkhei lada u briew umtreh ban kylla bamut, kumba ka jia ha u pharaoh hyndai.
Phi don ban ong eiei?