Ka dukan kyiad kaba iaid iew tam, ka shongdor T.510klur

Ka jing lilam, ia kawei ka dukan kyiad ha Rajasthan, ka la pynkyndit ia baroh bad kata ka long, ba ka jing ia khlieh dor, ka poi sha ka T.500klur.

Katei ka dei ka jingjia ha Hanumangarh District jong ka jylla Rajasthan bad la iathuh ba ka jing khlieh dor, ka sdang ha ka dor kaba T.72lak bad ka jing ia khlieh dor, ka sdang ha ka por 11baje mynstep bad ka kut, haduh shiteng synnia. La iathuh, ba ka jing ia khlieh dor, ka kut haduh ha ka por 2baje mynstep, ha kaba ka poi sha ka T.510klur. Ha katei ka jylla, ka jingbuh dukan kyiad, ka dei beit, da kaba ia khlieh dor bad mynta, ki la pyniaid da ka e-auctions, hadien ba la khang dam ia 7,000 tylli ki dukan kyiad ha ka jylla.

Ka Vasundhara Raje myntri rangbah barim, ka la pynduh lut ia ki dukan kyiad, hynrei mynta U Ashok Gehlot, myntri rangbah ba mynta, ula sdang biang ia katei ka jingplie ia ki dukan kyiad.

La khlieh dur heh tam, da ki ar ngut ki kynthei, ha kaba kawei na ki, ka dei ka Kiran Kanwar. Ka khubor, ka la pynkyndit ia kiba bun, ha kaba wat ki nongtrei ka tnat Excise, ki la kyndit ia ka jingiaid iew katei ka dukan kyiad.