KA DUD: Ki jingmyntoi phi ioh haba dih iaka dud man la ka sngi

Kong Linda Kongwang

Ka dud ka dei ka jingdih kaba tei bad kaba ai jingmyntoi shibun iaka koit ka khiah ba pura bad pynkhlain iaka bor met. Ka dei ka jingdih kaba la pyndonkam naduh ki hajar snem mynshuwa. Kadei ka jingdih kaba ai jingmyntoi bha ha shi tyllup ka pyrthei.

Katkum ka jinglap ki stad wadbniah bad ki doctor ki ong ban dih iaka dud kalong kaba donkam bha khamtam haka por shitom ne pang namar haka kidon ki nutrients ki ba kongsan kum ki calcium, vitamin D, Potassium, ki minerals, ki proteins bad kiwei kiwei dei ki jait vitamins. Ban dih iaka dud ka iarap pynioh iaki shyieng bad ki dohksah kiba khlain bad pynhiar iaka jingkhia ka met.

Man la ki long iing long sem ki tip bad sngewthuh bha ba ka dud ka dei kaba bha ban dih hynrei haduh katno ka ai jingmyntoi bun kim tip. Te hangne ki don katto katne ki jingbatai kumno ka dud ka ai jingmyntoi iaka met ka phad bad iaka koit ka khiah.1. Ban ioh iaki shyieng kiba koit ba khiah : Ban dih iaka dud ka long kaba bha namar haka ki don kyrhai ka calcium bad ki vitamin kiba iarap ban ioh iaki shyieng kiba koit ba khiah.

Ka long kaba shisha ba ki khynnah ki donkam bha ban dih dud ban kyntiew iaka jingkoit jingkhiah bad jingkhlaiñ jong ki shyieng khnang ba kin heh kin san ha ka rukom kaba dei bad wat kiba laheh la san ki ioh jingmyntoi shibun nakaba dih iaka namar kin ioh iaki shyieng kiba khlaiñ kiba lah ban pynduna naka jingma jong ka jingshitom haki shyieng.

1. Aibor iaka met: Ka dud ka dei kaba biang bha na ka bynta kiei kiei baroh, hynrei hato phi tip ka kyntiew ruh iaka jingkhlaiñ jong ka bor met. Haba phi lah trei shitom baroh shisngi bad phi donkam ban pynjahthait ba ka met kan iohbor biang, dih shiklat ka dud kaba khleh lang bad u thah, phin sngew iohbor hangto hangto hi.
2. Ai iaka sniehdoh kaba shai: Ban dih iaka dud ka iarap ban pynioh iaka sniehdoh kaba shai bad jem koid koid. Kane ka dei namar ka jingbun ki vitamins bad ki nutrients haka dud kiba donkam naka bynta ka koit ka khiah jong ka sniehdoh. Phim donkam shitop ka dud ban sum ba ka sniehdoh kan lieh ne shai hynrei ban dih la kumno kumno ar klat ka dud ha ka shisngi kan ai iaphi iakine ki jingmyntoi baroh.
3. Pynioh iaki bniat kiba bha bad khlaiñ: Ka dud ka dei ka jingdih tynrai kaba biangtam naka bynta ban ioh iaka calcium bad ki dei thik kiba ki bniat jong phi ki donkam. Ka calcium ba don ha ka dud ka iarap iaki dohbniat ban skhem bad pyllait naka jingmih snam naki dohbniat Ka iada iaki thliew bniat bad jingpang bniat bad haba ka bniat ka koit ka khiah ka pyllait iaki naki jingbam khñiang hapoh bniat.
4. Pynioh iaki dohksah kiba khlaiñ: Ka dud ka shim ruh iaka bynta ba kongsan haka ban pynkhie pynsan iaki dohksah. Ka jingbun kyrhai ki proteins haka dud ki iarap iaki dohksah bad iaka met ban san bad khlaiñ bha. Ka jingpule ka shem ba bun naki nongialehkai bakhraw ka ri ki pyndonkam iaka dud kum ka atiar kaba khlaiñ naka bynta ban ioh iaka met kaba ksah bad khlaiñ namar haka ki kynthup iabun jait ki nutrients kiba ka met ka donkam bha.
5. Iarap pynduna iaka jingkhia ka met: Ka jingpule ka iathuh ba kito ki briew kiba mlien ban dih dud ki kham duna jingkhia ka met ban ia kito kiba kiar naka. Lada phi dei ki briew kiba kwah pynduna jingkhia jong ka met, dih shiklat ka dud shuwa ne haka por bam miet ne haba phi bam soh. Kane ka iarap shibun ban pynduna jingkhia bad pynioh ruh iaka met kaba smat ba sting.
6. Pynduna khuslai jingmut: Ka jingbankhia haka liang ka kam ka jam ne ka trei ka ktah ka ialam sha ka jingkhuslai jingmut ba man ka sngi. Pyrshang ban shong pynjahthait bad dih shi klat ka did ba khluit malu mala, Kane kan iarap pynaram iaka met, ki dohksah, ka pynsting iaki jingmut jingpyrkhat bad pynjem iaki thied ki jaw.
7. Iarap pynjah iaka jingtyrha ka shadem (Acidity): Don bun ki jingbam kiba bun acids baki briew ki lap haba bam iaki bad haba ki bam ki mad iaka jingtyrha ne ka shadem ka thang. Ka dud kadei ka wei na ki lynti kiba bha tam eh ban pynjah jingtyrha ne jingkiew acids haka met namar ka jingsngewpjah haba dih iaka dud ka iarap iaka jingiaid beit ki nierbah kiba lah ban iada naka jingtyrha ka met ka phad.
   9.Ia leh pyrshah iaki jingpang: Ki nongwad bniah haki phew snem my shuwa ki lap ba ka dud ka lah ban iada na shibun ki jait jingpang kiba kynthup kum ka jinglah ban pynhiar iaka blood pressure, pynduna naka jingma ban ioh iaka jingpang stroke. Ka jingpule ka lap ruh baka dud ka don iaka bor kaba lah ban pynduna iaka jingdon ki cholesterol kiba lah ban sop khleiñ ha u dohnud bad ka iarap ban kyntiew iaka bor iohi jong ki khmat.
   Mynta phi sngewthuh bad tip ba ki dangdon shibun ki jingmyntoi ba phi ioh haba dih iaka dud.Namar kata wat ym leh jaituh ne leh klet ban dih iaka khnang baphin lait naki jingpang ba har rukom bad phin ioh iaka met ka phad kaba khlaiñ.