Ka dud jong ki masi kiba na India, ka don bad ka ksiar, ong u heh BJP

U Dilip Ghosh, uba dei u nongialam ba heh duh ka seng BJP, ula ong hynnin ka sngi, ba kito kiba bam doh masi, ki dei shwa ban bam doh ksew.

“Don na kitei ki riew pawkhmat, kiba bam doh ha ki rud surok bad nga ong ia ki, ba kin bam dohksew ruh. Ka koit ka khiah jongki, kam don jingktah eiei, lada ki bam ia kano kano ka doh, tangba kim dei ban bam ha surok” ong U Ghosh.
U Ghosh, u ong shuh shuh “ka masi, ka dei ka kmie jongngi” bad haba bam doh masi, ka dei ka kam beain ha India, ong U Ghosh, haba kren ha ka jingialang paidbah ha Burdwan, kaba don 100 Kilomere na Kolkata.
“Ngi im ngi long, da kaba dih da ka dud masi, kumta lada don kiba leh khlem akor ia ka kmie jongnga, ngan leh da kaba iahap bha ia kiba kum kitei ki briew” ula ong.
U Ghosh, ula ong shuh shuh ba ha ka dud jong ki masi kiba ri ha India, la khleh lang bad ka ksiar bad kumta ka rong jong ka dur na ki masi ha India, ka lam stem, ula ong shuh shuh.
Utei u heh BJP, u ong shuh shuh ba ki masi ruh ki don ia ki tyndong kiba sam ia ka snam sha ka met jongki bad dei kitei ki tyndong, kiba iarap ban pynmih ksiar ia ka dud, lem bad ka jing iarap jong ka sngi.
“Kito ki jait masi kiba na shabar jong ka India, kim dei satia ki masi, ki dei ki mrad khlaw bad kim dei ki kmie jongngi, hynrei ki dei ki niakha jongngi. Kam bha ia ngi, ba ngin mane ia kitei ki niakha” ula ong shuh shuh.