Ka dorbar niamtre ha Nartiang

Sa kawei pat ka parom ba ngi ïoh na Nartiang ka long ba ki Nartiang hyndai ki long kiba ju smat ban leit kiew pyneh rngiew sha u lum Sohpetbneng naduh kulong kumah. Ym tang katta hynrei ki da buh dak ban pynsah nam da kaba sieh ïa ki Mawbynna-Mawphor. Kine ki la ieng kynthuit arted lynti naduh Nartiang haduh Khapmara Umroi ha kjat u Lum Sohpetbneng haba ki leit ki wan sha u Lum Sohpetbneng. Ngim tip la ki leh ïa kane da kaba sieh nam da ki mawbynna ha ka por ba ki wan na Sohpetbneng sha Nartiang ne haba ki leit nguh Blei sha u Lum Sohpetbneng na Nartiang. Ai ba ki student jong ka History bad ki Mythology kin wad bniah halor kane ka bynta. Ki Syiem Sutnga ki la ïap duh namar ba ym don kur Kynthei shuh ha ka iing jong ki jait Syiem.

U Syiem Rajendra Singh u don tang kawei ka pyrsa kynthei. Kane ruh ka ïoh arngut ki khun shynrang, uwei na kita u dei u Chatra Singh Nripa. Kim shym ïoh para kynthei. Te kumta hadien jong u Syiem Rajendra Singh, ka iing syiem Jaiñtia ha Jaiñtiapur ka la duh ïing bad ïap duh junom. U Syiem Chatra Singh Nripra (Crown Prince) ula ïap ha ka ïing Syiem Jaiñtia ha Jaiñtiapur ha u bnai January 3 tarik 1938. Hynrei ki matti jong ki Syiem Jaiñtia ki dang paw dien sah haduh mynta ha ki shnong Nartiang bad Jaiñtiapur. Ka sorkar Pakistan ka la knieh noh ïa ka ïingsyiem Jaiñtiapur hadien ka thma India-Pakistan ha ka snem 1965. Kumta ka la pynlong ïa ka kum ka Police Station hana ba ka dei ka Enemy property. Mynta pat ba ka India bad ka Bangladesh ki long friendly countries. Dang shibnai tam ei ei u Chief Minister ka Meghalaya u Conrad Kongal Sangma ula leit jngoh ieit bad burom ïa ka ïingsyiem Jaiñtia ha Jaiñtiapur.

Mynta ka long ka kabu ksiar ïa u Doloi Nartiang u Wamon ka Hindu Temple ha Nartiang bad ka Seiñraij Jowai lada laingut na ki, ki don tang kawei ka jingmut ban leh eiei noh kham kloi. Ngi don ka jingkyrmen ba ka ïingsyiem Jaiñtia ha Jaiñtiapur kan wan biang sha u Doloi Nartiang bad ka Temple Hindu Nartiang bad Jaiñtiapur ki long ka juh lada lah ban pynlong ïa ka India Embassy Enclave bad aiti noh sha u Doloi na Nartiang. Te ki matti u barim bajah kin phuh biang sa shisien pat wat la ym don shuh ki Syiem Jaiñtiapur.