Ka Dorbar Kur Basaiawmoit

Shillong,5 Risaw:
Ka Dorbar Pyllun jong ka Kpoh Basaiawmoit na ki 7 Kpoh ki khun ka Meisin, ka la ia kyn duh ha Dorbar Hall jong ka Dong Mission Compound. Shillong ha ka Sngi thohdieng, ka 03 tarik, U Risaw, 2014 ki rai kiba la mih na katei ka jingiakynduh ki long, ban don noh la ka jong ka rukom pyniaid kam hapoh ka riti pyniaid kam jong ki 7 Kpoh ki khun ka Meisin bad la thung ia ka Komiti Pynkhreh kaba 8 ngut ki dkhot kiba long u Bah Aris, Kingsley, Sori, Lawrence, Khrawbok, P.B. M. Basaiawmoit, ki Kong Rosemary, Christine Basaiawmoit bad Nongkhot, Bah K.L.Basaiawmoit.
La jied ruh ia u Myntri Lawrence, Samla Trueman Elias & Kong Ballerina Basaiawmoit ban mih khmat na ki Basaiawmoit sha ka Central Executive Committee jong ka Seng Kur Pyllun ki 7 kpoh. La thung ia ka Executive Committee shipor kaba kynthup kitei ka Dkhot ka Komiti Pynkhreh Rukom Pyniaid Kam bad ki lai ngut ki Dkhot ka CEC Seng Kur Pyllun ryngkat bad ki nongkitkam shipor.
La jied ia u Rev. Dr. P. B. M. Basaiawmoit, kum u- Chairman, Secretary – Bah K. L. Basaiawmoit bad Treasurer – Myntri Lawrence Basaiawmoit ban long ki Nongkitkam shipor .