Ka dor jong ka beer kaba T.71lak ia u nongthoh khubor ha U K

Phi lah ban sngew kyndit, hynrei ka long ka jingshisha, ba uwei u nongthoh khubor, u dih ia ka beer, kaba shongdor USD 99,983.64, lane kaba long T. 71,70,226 ha kawei ka hotel ha Manchester.

U Peter Lalor, uwei na ki nongthoh kriket ba pawnam jong ka kotkhubor na Australia, u hap ban siew ia katei ka bai beer, kaba T.71lak ha ka hotel Malmaison ha Manchester. Katei ka beer, kaba u dih, ka dei kaba la thaw da ka kompeni Deuchars IPA.

U Peter, u thoh ha ka Twitter jongu halor katei ka jingjia bad ka pisa kaba u hap ban pynlut. U da pyni ruh ia ka dur jong ka beer, ha kaba u ong “Peit ia kane ka beer? Kane ka dei ka dor jong ka beer, kaba rem dor palat kaba nga la ju dih ha ka jingim jongnga. Nga siew $99,983.64 ha Malmaison Hotel, Manchester. Ym dei ba nga kren kai”.