Ka Dong Mihngi kaba hakhmat tam ka sorkar India

Shillong, 28 Iaiong:
U dkhot ka NITI Aayog u Dr Vijay Kumar Saraswat mynta ka sngi u la ong ba ka dong mihngi ka don hakhmat eh ban pyntreikam ia ki skhim bad ki kam pynroi ban kyntiew ia ka thain.
Katkum ka jingong u Saraswat ki tnad kiba iadei bad ka science & technology, ka rep ka riang, ka koit ka khiah, ka pule puthi, bad kiwei ki mat, kin wan hakhmeh eh ha ka sorkar pdeng ban kyntiew ia ka thain khamtam kito kiba la sdang ha kine ki 2-3 snem.
U Dr Saraswat u la kren ia kane ha ka jingiakynduh bad ki lad pathai khubor ha ka jingwan jongu ban iadon bynta ha ka 24th Convocation mynta ka sngi.
U Dr Saraswat, uba dei u scientist ban shna ia u namding Prithvi ka India, u la ong ba ki don shibun ki prokram kiba la thaw kyrpang na ka bynta ban pyntreikam ia ka dong mihngi kum ka jingshna ia ki surok, lynti rel, bad kiwei.
Halor ka jingbhah kyrpang kaba 90:10 hapdeng ki sorkar jylla ka dong mihngi bad ka sorkar pdeng, u la ong ba ia kane ka kam la iakren bad ki myntri rangbah jong ki jylla, ha kaba ka sorkar pdeng ka burom ban pynneh ia kane ka jingbhah kyrpang ia ki jylla kane ka thain.