Ka Dong Lumsohphoh ha Nongpoh ha ka thup Micro Containment Zone

Nongpoh: Namar ba la nangkiew ki briew kiba la ioh Covid-19 ha kawei na ki Dong ha Nongpoh, ka District Magistrate jong ka Ri Bhoi, ka la pynbna paidbah ba ka Dong Lumsohphoh, ka la hap ha ka thup Micro Containment Zone, ka ban treikam naduh ka 16 tarik haduh 21 tarik mynta u bnai.

Ia katei ka Dong kaba la hap ha katei ka thup Micro Containment Zone, la maham pyrshah ia ki briew bad kim dei ban leit sha katei ka jaka bad kumjuh ruh ki briew kiba sah ha katei ka Dong, ba kim dei ban mih na la iing bad lada lap kino kino kiba leh pyrshah, kin sa shah pynshitom katkum ki kyndon Ain.