Ka dohkha kaba jrong tam ha ka pyrthei, ka don ha ka krem ha Jaintia Hills

Ki stad peit mariang, ki la lap ia kawei ka dohkha kaba ju shong ha ki krem, kaba don ha ka krem ha Jaintia hills bad la iathuh ba ka dei ruh ka dohkha kaba jrong tam na ki dohkha ha ka pyrthei.

Katei ka dei ka dohkha mahseer bad ka don ka jingjrong kaba shiphut shiteng. La iathuh shaphang katei ka dohkha, ha ka jingthoh ba la thoh da ki saw ngut ki stad peit mariang ha U Naiwieng 2019.

Kitei ki jait dohkha kim don khmat bad ki don ia ka rong kaba lieh, la iathuh.

U Daniel Harries, biologist, ula iohi ia katei ka dohkha ha U Rymphang jong u snem ba ladep bad ula lyngngoh shibun, katba ka jingthoh kaba la pynmih ha ka National Geographic.

Kum kitei ki dohkha, la iathuh ba ki don kumba 250 jait ha kylleng ka pyrthei bad kiba bun na ki, ki don ka jingjrong kaba 8.5 cm, katba ki don sa ar jait kiwei pat kiba jrong 30 cm bad ki don ia ka met kaba rai khoh shibun. La ju shim ruh ba ki dohkha kiba don ha ryngkew kim ju jrong palat ia ka 35 centimetre, hynrei kane kaba ki la lap ha Jaintia Hills, la iathuh ba ka dei ka dohkha kaba khyllah ka jingheh bad ka jingjrong jongka.