Ka ding kam don, hap siew bai thang ha shnong Mooshroot

Shillong, 22 Nailur:
Ka Seng Hynniew Trep Youth Council (HYC) hapoh ka jingialam jong u President U Damanleki Lathong u ia kynduh bad u Bah Sungoh Assistant Executive Engineer jong ka MeECL Jowai.
Ka Seng ka la ther tyngeh ia ka MeECL bad ka la pynpaw sngew-lyngngoh ia ka jingtlot treikamjong ka MeECL ha ka jingiadei bad ka jingduh light jong ka Shnong Mooshrot. Hynrei wat hadien ka jingduh ding bad jingsniew jong u transformer, ka bai thang ding, ka dang poi kumba lai bnai ei ei. U Bah Sungoh u la ong ka daw ka long ba bunsien kim juh ioh ia u transformer ba thymmai kumta ki hap ban ap ia u ba ki shu maramot napoh Shillong.
Ka Seng ka la dawa jur ia ka ME.eCL ban pynpoi ia u transformer ha katei ka shnong. Namar u tei u transformer u la sniew kumba 6 bnai ei ei bad ki nongshong shnong ki la duh ia ka light.