Ka dei ban iai duwai

AIS SUJA

U Jisu u kyntu ba kadei ban iai duwai. Shisien u Jisu u la kren ha ki Pharshi ba kadei ia ki briew ban iai duwai. Namar u Jisu ialade ruh u hap ban duwai barabor ha u kpa uba ha Bneng. Ha ka jingduwai ymdei ban man thait shuh, namar ka long ka jing pan, jingkyrpad, jingtip, jingiasaid ha khmat u Blei.

Dei halor kane ka nongrim ba u Jisu u la iathuh ha ki pharshi u da ong – “Lada uwei u nongbishar (Judge) ha kawei ka shnong, u bym ju shepting ia u Blei bad um burom ia u Briew. Ha kata ka shnong ladon kawei ka riew kynthei, bad ka la wan bunsien ha uta u Nongbishar kada ong – to leh hok ia nga (iarap ia nga) halor uta uba ialeh pyrshah ia nga. Kane ka kynthei kala kyrpad bunsien bunsien hynrei

u Nongbishar um sngap. Hynrei na kadaw ba kata ka kynthei ka iai kyrpad, khadduh eh uta u nongbishar u la pyrkhat halade dakaba ong – la ngam burom iau Briew ne sheptieng ia u Blei ruh, hynrei ioh ba kata ka kynthei ka wan shiwan pynsngew ia nga, ieh ngan bishar hok noh ia ka, namar nga la sngew kyllut ba ka wan shi wan.

U Jisu u ong- sngap kaei kaba u ta u Nongbishar bymhok ula leh !. Hato u Blei un ym bishar hok ia kita kiba la jied jong u? hato u Blei un ym sngew ia kiba lynniar bad kyrpad ia u mynsngi bad mynmiet nalor kata da kaba u iai shah slem bad ki ?. Nga ong ba un bishar hok ia ki kumne kumne ruh. Loukas 18:1-8.

Nakata ka daw ka don kam ban duwai bad iai duwai kum ha kine kip or jong kane ka khlam (Corona virus), ngeit ba u Blei un sngew bad un jubab beit kumba ula ong ha ka kitab Khronikl 7:14. “Lada ki briew jong nga kiba la khot da ka kyrteng jong u kin pynrit ialade bad kin duwai, kin wad ia ka khmat jong nga kinphai na ki lynti bymman jong ki: kumta te Ngan sngew na bneng, bad ngan map ia ki pop jong ki NGAN PYNKHIAH IA KA RI JONGKI,,,, 2 Khronikl 7:14.

Kumta dei ban duwai jur bad phai noh ia ki lynti bymman, kata kadei ka jingkwah jong u Blei. Aiu de u ong? “Te ki khmat jong nga kin peit, ki shkor jong nga kin sngap ha ka jingduwai”. 2 Khronikl 7:15.
To ngin duwai daka jingngeit ba u Blei un pynkhiah ia ka Ri na une u khlam Corona. Ai ba shisien baka Ri jong ngi kan long ka Ri kaba sheptieng burom ia u Blei bad ba u Blei un jied ia kane ka Ri kum ka jong u Blei. Ai ba ki khmat baroh kin phai sha u khun u Blei.
“Ka dei ban iai duwai” Amen.