R. S Dkhar
Kum ban shu pyn kynmaw ha ka jingiap ka jong u Dr. (L) Sailo ka jylla baroh ha North-East ka khihwin naba ka jingtieng ka bym lah shuh ban batai, wat tang ka jaka ban thang ne ban tep ym don shuh ban ai namar ka jingtieng.
Kaei pat kaba jia mynta ha kum kane ka por, Une u Juh u Corona uba ki khot ieit u COVID-19 u khlem wan shuh ha ka dur jong ka jingpyntieng u wan pat ha ka dur ban pynshaiong ia ki briew mynta.. ka daw ka long ba ia kiba lah dep test la pyntikna ba ki ioh ia kane ka jingpang Corona ruh ki lah ban leit phai sha iing bad shong ha ki shnong jong ki, lane ki lah ban shong Quarantine hi ia lade ha ki iing ne ki jaka ba la pynkhreh da ka shnong khlem don pat kano kano ka jingsumar lane ka treatment ia ki ha kata ka jaka ba ki sah.. bad hadien ba ka la kut pat kata ka por kaba ki buh ban shong Quarantine ki lah ban mih noh na ka jaka ba ki don khlem don kano kano ka jing test la ki la ioh jingkoit ne em na une u Corona lane une u Corona u dang don ne em ha ka met ka jong ki.
Nga kynmaw ba u Dy Chief Minister ba don burom jong ngi, u kyrpad ia ki paitbah ba ki dei ban bud ia ki kyndon bad lada kim bud ka pyn-I ba ki shun ia lade bad ia ka iing ka sem ka jong ki. Ia kito pat kiba phi phah leh Quarantine ha iing la jong kiba don ia une u Khniang jingpang, hato ki long nongshun ia kiba ha iing jong ki? Haba ma phi hi ki bor ba halor phi phah ba kin leit phai sha iing sha shnong la jong ki hi? Bad haduh katno kein kine ki nongpang kin lah hi ban sumar da lade ia lade haba kim dei ki Nurse ki Doctor?
Hynrei kaei kaba nga kwah ban ong ka long, lada kane ka dei shisha ka khlam jingpang kaba iabit lane ka dei shisha kata ka jingpang kaba shyrkhei kumba la batai,, ka sorkar ka dei ban shim khia ia kane ymdei ba kan shu leh kumne,,, tang ban ong ba ki la ioh ia ka jingpang Corona bad khlem don kano kano ka lad jingiada kata kam dei shuh ka Corona kaba wan pyntieng ka dei tang ka Corona kaba pynshaiong – ngain ia kiba bun ki paitbah.
Ka dei shisha ba uwei na ki MLA ba don burom jong ngi, u ong ba ki Doctor ki dei ban da peit bad da sumar lang ia ka jingpang tynrai kaba kito ki nongpang ki don,, ymdei eh ban shu sumar beit tang ia uta u Corona.
Nalor kata sa Ka jingiap ka la nang kiew ha ka Ri hi baroh kawei? Mynne ngi la ioh ban pule ia ka khubor “Lait ka nongpang Corona na ka thylliej ding, na ka daw ba ka don ia ka jingpang Corona” Ka la pynsha-iong namar ba lah synshar palat U Corona ha ka jingmut jingpykhat.
Khatduh eh, ioh lehse ba kane kaba, ki babun ki iohi ka long tang ka jingbakla,, ka lah dei pat ia ki bor ba halor ban ai ka jingpynshai kaba shai halor kane, khnang ba ki briew kin lait na kaba shaiong ia lade.
Ha ka jingiohi jongnga hi marwei ka la dei ia ka sorkar ban ai hukum ban khang noh ia ki skul kiba sha nongkyndong ,namar kane ka khlam ka la poi wat sha ki nongkyndong ruh.ka long kaba isynei ia ki khynnah kiba pli ba kin ia leit skul da ka jingsyier jingsmiej ha kum kane ka por ba kane ka khlam ka nang jur nang jur katba nang mih ki sngi ki ia.