Ka Congress kan nym kyrshan ia ka MDA, ba don ka BJP, ong U bah PN Syiem

Shillong:U Bah Pynshngain N Syiem, working President ka Congress party, u la ong ba na ka liang ka Congress party da leilei ruh kan ym kynshan ia ka Sorkar Meghalaya Democratic Alliance (MDA) kaba kynthup ia ka party Bharatiya Janata Party (BJP).

“Ka Congress kan ym leit ban kyrshan ia ka sorkar MDA namar ba ka don ka party BJP ha ka, hynrei ka jing leit kyrshan jong ki san ngut ki MLA ka Congress ka long kum ka jingbud dien ia ki resolution kiba la pdiang hapoh ka ingdorbar”la ong u Bah Syiem sha ki lad pathai khubor.

“Ka Congress ka buddien ia ka mat halor ka CAA, ka ILP ka jingpynrung ia ka ktien khasi hapoh ka 8th Schedule, hynrei ngin ym kyrshan ia ka sorkar ba kynthup lang ia ka party BJP”u la ong.

U la ong ruh ba ka Congress kan ym treh ban kyrshan ia ki party kiba la pheil lupa ban ai ka jingsynshar ia ki paidbah hynrei ka dei tang ka jingleit buddien jong ki MLA ka Congress ia ki mat jingdawa jong ki paidbah.
Haba kylli u bah Syiem u la ong ba ka Congress ia mynta hi kan ym treh ban iasnoh bad kiwei pat ki party ban wan ha ka bor namar ba ka ladei lupa ka party ba heh.
“Ngam tharai ba ngin iasoh bad kiwei ki party, namar ba ngi ladei ki party ba heh lupa, hynrei ia kane ngin dang donkam ban iakren bha hapoh ka jingialang jong ka MPCC hynrei ngi don ka jingkyrmen kaba skhem ba ka Congress ha u 2023 kan wan ha ka bor”la bynrap u Bah Pynshngain.