Shillong: U AICC Incharge of Meghalaya u Manish Chatrath, ha ka sngi nyngkong u la kyntait ban don kano kano ka jingkhnium hapoh ka party Congress ha ka jylla Meghalaya.
Haba iakren bad ki lad pathai khubor, na ka liang u AICC Incharge ka jylla u Chatrath, u ba la wan sha ka nongbah Shillong, na ka bynta ar sngi ha ka nongbah Shillong u la ong “Kam shym la don kano kano ka jingkhynniuh ha ka party congress ha ka jylla Meghalaya ha ka ba ka jingrung bad ka jingmih jong ki nongialam ha ki kam sain pyrthei ka dei kaba jia ha baroh ki party.”
U la ong ruh ba lada ki don kiba la mih noh, hynrei kiwei pat ki wan ban pyniasoh bad kane kan bteng shirta bad kane kam dei ka mat ba heh.
U la kyntait ruh ba ka seng Congress, ha ka jylla ka la tlot, da ka ba ong ba ha ka jylla Meghalaya ka party Congress ka dang khlain namar ba ha ka party Congress ka don ia ki nongialam kiba khlain.
“Kumba ju long ka sorkar ka ioh ban synshar san snem bad mynta ki ailad ia ka sorkar ba kan yndep ia ka san snem bad hadien kane kan ailad ia u paidbah ba yn rai hadien san snem” u la ong.
Ha ka sngi kaba nyngkong jong ka jingwan jong u nongialam ka AICC, u la iakynduh ia ki nongialam ka Meghalaya Pradesh Congress Committee, ki nong mihkhmat bad ki nong kitkam.
Ha ka sngi ba ar, un iakynduh ia ki MDC ka Congress bad un kynduh ruh ia ki MP, ki MLA bad MDC ki barim.
“Nga la wan ha ka jylla Meghalaya ban iakynduh ia ki MLA ka congress bad ban iakren ban ia sngewthuh ia baroh ,” u la ong.
Haba kylli hato ka congress kan wan biang ha ka bor ha u snem 2023,u la ong “Na ka bynta ka election 2023 ka party Congress ka la long ka ba pynkhren ba kan wan biang ha ka bor.”
Nga ruh nga don jingkyrmen ba ka sorkar congress kan ioh synshar biang ho u 2023
Long live congress party