Ka Congress, ka dei kaba la pass bha na ka University ki menthok, ong U Conrad

Shillong: U Conrad Sangma, nongialam ba rangbah jong ka seng NPP, ula leit kanbas mynta ka sngi ha ki bynta jong ka  North bad ka East Garo Hills, ha kaba ula kren ha ki jingialang paidbah ha  Rongrong Abema, Mangsang bad ha  Chibonga  bad  mynta ka sngi, U Conrad, u leit da ka helicopter ban kanbas tyngeh ia ka Agatha K Sangma, kaba iakhun na ka tiket ka NPP, na ka   Tura Parliamentary constituency.

Ha kitei ki jingialang, U Conrad, u pynkynmaw ia ki kam radbah ba U Purno Sangma, ula ju shakri ia ki trai shnong nylla jong ka thain shatei lam mihngi.

U Conrad, u kren shai ruh ba ka NPP, ka ieng halor ka nongrim, ba kan iai pyrshah tyngeh nangne shakhmat, ha kaba iadei bad ka  Citizenship Amendment Bill bad u ong “Ka Meghalaya, ka dei kaba nyngkong eh ban pyrshah ia kane ka bill bad ngi la pyn ia tylli ia ki seng sain pyrthei jong ka thain shatei lam mihngi bad ngi la pynsngew ia ka sur jongngi ha Delhi bad ngi pynthikna ba katei ka bill, kam trei kam satia ha Rajya Sabbha” ula ong shuh shuh.

U Conrad, ula ong shuh shuh ba ka Congress, ka la sngew thikna ba kan nym wan shuh satia ha ka bor bad kumta ki la sdang ban kynnoh ba ka NPP kan ia treilang biang bad ka BJP bad ula ong “Ka Congress ka dei ka seng kaba la pass bha na ka University jong ki riewthok bad kin iai bteng ban thok ia u paidlang ka Ri” ula ong shuh shuh.

U Conrad, ula ong shuh shuh ba ha ka por ba U Mukul Sangma, u long u myntri rangbah ka Jylla, ula ia trei lang bad U Narendra Modi bad U Conrad, u ong ba ka jing ia treilang bad ka BJP, ka dei namar ki kam pynroi bad U Mukul ruh ula leh lem hi kumta.