U Rahul Gandhi, President jong ka seng Congress, ula mynjur ia ki arngut ki kandidet jong katei ka seng, ki ban iakhun na Ranikor bad na South Tura, ha ka elekshon, ka ban long ha ka 23tarik Nailar 2018.
Ka Charlotte W Momin, kan iakhun na ka South Tura Constituency, katba U Jackuish K Sangma, nongialam barim ka Garo Students Union (GSU), un iakhun na Ranikor.
U Sangma, ula pyniasoh ialade bad ka seng Congress ha u snem 2007 bad un iakhun pyrshah ia U MM Danggo, kandidet jong ka seng NPP, U Bah PN Syiem kandidet jong ka seng PDF bad U bah Pius Marwein kandidet jong ka seng UDP.
Ka Momin, kan iakhun pyrshah ia U Conrad ha South Tura bad la sngewthuh ba ka jingiakhun, kan long kaba lai liang, ha kaba U John Leslee Sangma, ruh un ialeh ia katei ka elekshon na Tura.
Ka jingthep vote, kan long ha ka 23tarik Nailar 2018 bad ka jingniew vote, kan long ha ka 27tarik Nailar 2018.