Ka Cabinet meeting, ba kyrpang, na bynta ki masi ha Madhya Pradesh

Ka dei ha ka sien ba nyngkong ha ka Ri India bad ha ka pyrthei hi baroh kawei, ba kan mih ka jingialang jong ka kynhun myntri lane ka cow cabinet. Katei ka jingialang jong ka Cabinet, ka dei kaba la pynbeit da ka sorkar Madhya Pradesh, ha kaba la shim ia ka rai, hynnin ka sngi, ka 18tarik Naiwieng 2020 bad ka thong jongka, ka long ban sumar kyrpang ia baroh ki masi, kiba don ha katei ka Jylla.

“La rai ban thaw ia ka cow cabinet, na ka bynta ban iada kyrpang ia ki masi ha ka Jylla” thoh U Shivraj Singh Chouhan, myntri rangbah ka Meghalaya ha ka twitter.

Ki tnat sorkar, kiba dei ban don lang bad iatreilang ban pyn urlong ia ka cow cabinet, ki long ka Animal Husbandry, Forest, Panchayat, Rural Development, Revenue, Home bad ka Farmers Welfare department. La iathuh ba ka jingialang jong katei ka Cabinet, kan long ruh ha sem masi ha Agar Malwa, ha ka 22tarik Naiwieng.

Ka sorkar U Kamal Nath, kaba dei na ka seng Congress, ka la pynmih ia ka ain ban khang ia ka jing pyniap masi, ha u snem 2019 ha katei ka Jylla ha Madhya Pradesh bad ha katei ka ain, la rai ban set phatok, kaba long naduh hynriew bnai bad haduh lai snem, lem bad ka kuna kaba T.25 hajar haduh T.50 hajar.