Ka bording Kopili ka ktah na u dewiong, ong U Chairman ka NEEPCO

Shillong, 27 Naitung:
Wat la ka jingkhang tih dewiong ha kane ka jylla ka la long shi snem eiei hynrei ka jinglong jingman jong ka Kopili Hydro Electric Power Plant kam pat bha satia, namar ka jingtrei jubor ka jaboh acid ba la mih na ki krem dewiong ba la pynlong bih ia ka wah.
Haba kren hynne ka sngi sha ki nongthoh khubor, u  chairman ka NEEPCO u PC Pankaj u la ong ba kane ka projek ka don shibun ki jingthut hynrei la bun kiba la shna moramot.
U la ong ba ka projek ka treikam bha hyn rei ka jinglong jingman ha kane ka projek ka don shibun ka jingktah namar ba ka jingtuid ki um ba long acid na ki jingtih dewiong thliew khnai.
U la ong ba ka PH jong ka um ka long 3.4 haduh mynta. “Nga tharai kan shim por ban pynbha ia kane ka projek”, u la ong. Lah ban kdew ba ia ka Kopili Hydro Electric Power Plant ka don lai tylli ki  jaka pynmih bording, ba kynthup ha North Cachhar Hills District, Khandong power station bad ka Kopili power station stage I bad II.