Shillong 21 Rymphang: Ka BookMyShow Foundation da ka jingsngew sarong ka pynbha ïa ka jingpynmih ïa ka BookAChange, da ka jingthmu ban nang ai bor bad pynmyntoi ïa ka jingim jong ki riew don sap kiba duna ha ka ioh ka kot lyngba ka bor pynkylla jong ka jingrwai bad ki performing arts.
La sdang nyngkong kum ka BookASmile ha u snem 2014 da ka BookMyShow, ka jaka pynbyrngia ba pawnam jong ka India, kane ka jingthmu mynta ka la kylla sha ka BookAChange, da ka jingthmu ba thymmai ban pynlong paidbah ïa ka rukom ioh ïa ki jingrwai bad ki kam performing arts, na ka bynta ki riew shimet bad ki shnong ki thaw ha ki jaka ba kham duna ka ioh ka kot. Ka tynrai jong ka BookAChange ka don ka jingthmu ban ai mynsiem ïa ki nongput nongtem bad ki performing arts.
Nalor ka jingtbit ha ka jingrwai, ka BookAChange ka pynshlur ïa ka jingheh jingsan ha baroh ki liang kum ha kaba iadei bad ka imlang ka sahlang, ban pynkhreh ïa ki briew ban pynpaw ialade sha ka pyrthei, ban pynrung ia ki jinglong kum ka jingkitkhlieh, ka jingsngewrit, ka jingthmu bad ka jinglah ban iaishah.
Ka BookAChange ka sngewkmen ban ai ia kane ka scholarship prokram, da kaba kular ban ai 500 tylli ki scholarship, kaba thmu ban pynkup bor ia ki briew kiba don sap na ki longïing kiba duk ha kylleng ka ri India. Ka BookAChange Music Scholarship kan kyrshan ia ki samla pule bad ki nongrwai (street artists) kiba dang pule shaphang ki kam rwai ha ki jaka pule kiba lah ithuh. Ka BookAChange kan ai jingiarap pisa ia ki samla pule kiba wan na ki jaitbynriew kiba wan na ki jait ba kham duna (marginalized background). Ka rukom aplai ban ioh ia ka jingiarap jingrwai jong ka BookAChange ka la plie mynta hangne here
Ha man la ka jingthied tiket, sdang na kaba ai jingiarap tang ka Re. 1/-, ki nongthied ki ioh ban don bynta ha kaei kaei kaba kham heh lyngba ki jingrwai. Ki jingnoh synniang ba beit, nalor kine ki jingai sngewbha kiba rit, ruh la pdiang sngewbha hangne. here.
Haba kren shaphang ka jingplie paidbah ïa ka BookAChange, ka Farzana Cama Balpande, Head – BookAChange, ka la ong, “Ka BookAChange ka dei ka jingsdang jong ka lynnong kaba thymmai ha kaba ngi lah shimkhia ban wanrah ïa ka jingkylla lyngba ki kam shna dur. Da ka BookAChange, ngi thmu ban nang pynroi ia ki jingangnud, bad thaw ba baroh kin don ka lad ban roi. Ngi kwah ban pynlong paidbah ia ka lad ban ioh ia ki jingrwai bad ki jinglehkai (performing arts) ban pynkupbor ia ki briew bad ki imlang sahlang kiba shah iehnoh bein bad ban ai mynsiem ia ka pateng ban wan kiba kwah ban sdang ïa kane ka kam. Ka kam jong ngi nangne shakhmat ka dei ban ai mynsiem, ka jingiatreilang.”
Ka BookAChange ka thmu ban pynmih ia ki lad ki lynti khnang ban wanrah ki jingkylla ha kylleng ka ri India. Ha Mumbai, 30 ngut ki samla pule na Dharavi ki dang ïoh ïa ki jinghikai ba kyrpang ha ka Rap bad DJing, kaba pynkupbor ïa ki da ki sap ba donkam bad ban pyni ïa ka Dharavi Dreams, ka hip-hop musical theatre kaba nyngkong jong ka India. Nalor kata, 125 ngut ki khynnah na ki skul BMC jong ka Mumbai ki dang ioh ïa ka jinghikai ba 10 bnai ha ka liang Hindustani Classical music.
Da kaba pyniar ia ki thapniang jong ka sha Delhi, ka BookAChange ka kyrshan ia ka Music Bus, ka mobile recording studio, kaba ai lad ïa palat 6,000 ngut ki khynnah ia ka jingshemphang ha ka kam thoh jingrwai, bad jingpynmih jingrwai. Ban pynphriang shuh shuh ïa ka jingkmen lyngba ki jingrwai, ka ‘#MusicForAll’ ka wanrah ïa ki jingsngewtynnad bad ka koit ka khiah ïa ki riew tymmen ha ki jaka sah ki riew tymmen, bad ruh ki jaka ri khunswet. Lyngba kine ki prokram, ka BookAChange ka shim ïa ki jingrwai kum ka lad ban pynkupbor, bad ban pynkylla ia ka imlang sahlang.
Ka BookAChange ka ialam ïa 25 ngut ki nongioh jingmyntoi, kiba kynthup ia 20 ngut ki samla pule bad 5 ngut ki nonghikai jingrwai, ha ka Coldplay Music of the Spheres World Tour ha Mumbai. U Nikhil Bidlan, uwei na ki nongïoh jingmyntoi, u ong, “Nga sngewkmen shibun eh ban ioh ka lad ban leit sha ka concert kaba nyngkong eh ha ka jingim jong nga! Ki jingrwai, ki jingthaba lights – baroh ki long kum ka jingphohsniew. Ka la pynlong ïa nga ban sngew ba kiei kiei ruh ki long kiba lah lada phi ngeit. Ngan ym klet satia ïa kane ka sngi”. Ha kajuh ka rukom, ka Arya Bhoir ka ong, “Nga sngewkmen shikatdei eh marsien sdang ki jingrwai. Nga lah shu khapbrip ia ki khmat bad nga shu sngap. Mynta, nga kwah ban nang kham pule kham tip shuh shuh, ban pyntbit ruh, bad lehse ha kawei ka sngi, nga lah ban don ha ka stage kaba kum katei.”
Kumjuh ruh ïa ki nonghikai jingrwai, kam shym la long tang ban sakhi ia ki jingrwai kaba pawnam ha ka pyrthei hynrei ban ioh mynsiem ka ban ai buit shuh shuh ha ki kam hikai jong ki. Ka concert ka la ai ki jinghikai kiba paka bha ha ka jingsngewthuh ïa ki jingrwai, kaba la ai mynsiem ïa ki samla pule bad ki nonghikai kumjuh. Ka Pooja Waghela, ka nonghikai jingrwai, ka la ong, “Ka jingïohi ïa ki khynnah skul jong nga ba ki mad ïa ka concert kum kane ka long kaba itynnad bha. Ka la pyni ïa ki ïa ka bor jong ki jingrwai. Ka la ai ruh ïa nga ïa ki jingmut kiba thymmai ban hikai ïa ki bad ban pynlong ïa ka jingpule kaba kham sngewtynnad. Khublei shibun, BookAChange, ba phi la pynurlong ïa kane.”
Nalor kata, ïa ka sien kaba ar jong ka Red Lorry Film Festival yn wanrah sha phi da ka BookAChange, da ka BookMyShow Foundation, kaba thmu ban lum pisa ban kyrshan ïa ki nongrwai ba dang mih thymmai bad ki nongtrei bylla sngi ha ka kam shna phlim.
Haduh shisnem, ka BookASmile ka la long ka dohnud jong ka BookMyShow kaba pynphriang ia ki jingphuh samrkhie bym lah khein, kaba pynriewspah ia ka jingim jong ki khynnah kiba duna lyngba ki jingshem ha ka jingrwai, ka art, ka theatre, ka shad bad ki jingput jingtem. Kane ka mynsiem ban kyntiew bad pynkupbor ia kito kiba na ki longïing kiba duk ka la long ka tynrai jong ka BookASmile. Lyngba ka jingkylla sha ka BookAChange, kan nang rah shakhmat ïa kane ka pateng da kaba pynleit jingmut thymmai ia ka bor ba lah ban pynkylla ïa ki jingim briew kaba don ha ki jingrwai bad performing arts. Ka BookAChange mynta kan pynkhlain ia ka jingkitkhlieh jong ka ha ka jingrwai, da kaba bteng ban tei ia ka nongrim ba la buh da ka BookASmile.
Phi don ban ong eiei?