Shillong:Ka seng BJP, kan buh kandidet ne em na Shillong bad na Tura Constituency? Katei ka dei ka jingkylli kaba eh bha ban jubab bad ki nongialam jong ka Seng BJP ha Shillong, kim shym la nud ban kren eiei haduh mynta.
Uwei na ki nongialam rangbah jong katei ka seng, haba iakren bad U Rupang, ula shu ong “suspense” bad haba la kylli, la ka don ne em ka dak kaba shai, kaba ki ai na Delhi, la ka BJP, kan buh kandidet ne em, hynrei la shu ong biang “sa ia peit lashai ka sngi”.
Ki lad khubor ki iathuh ba ki nongialam jong ka seng BJP, ki la don ha Delhi, ha ka Sngi Saitjain bad ha ka Sngi U Blei ruh kumjuh, hynrei ha katei ka jingleit, kam shym la poi shaei shaei ruh bad la iathuh ba mynta ka sngi, ki la don kiba la wan phai noh, da ka jingduh mynsiem kaba jur.
Kin dang nud ban buh candidate haba ki kular bala khlei san snem mynshwa, ki la kylla na ka actcha din sha ka chokider din, ieh ki bat ap chokider noh ia ka pisa ba ki la lum thup…