Ka Bateithymmai, dei ka Lata Mangeshkar ka Shillong, ong u nongthaw jingrwai ka bollywood

Shillong: U Dilip Dutta, uwei na ki nongthaw jingrwai ba pawnam jong ka bollywood, u dei uba la btin lynti, ia ka samla Bateithymmai, ba kan ioh rung ha ka kam rwai ha ki phlim bollywood.

U bah RM Shabong, Editor Rupang, ula iakren da ka phone bad U Dutta.
RMS: Dilip Dutta nga sngewthuh ba phi phi dei iwei iba la ai mynsiem bha ia i Bateithymmai.Ka don kawei ka jingrwai kaba na ka phlim Dab Dabba Tu kaba phi la ailad ia i ba in rwai.Te sngewbha seh ban iathuh eiei shaphang kane?
Dilip:Kane ka dei kawei na ki jingrwai kum ka Sohane Lage.U Khun jong nga u direk ia kane ka phlim bad ka phlim kaba san kum u producer. Te nga pyrshang ban pynrung ia i ha Bollywood ban rwai kum i playback singer, namar kata nga tip ba i don ka sur kaba sngew tynnad bad ha ka jing shisha kane ka jingrwai nga la shna na ka bynta i Batei bad ma i ruh i la rwai bha ka jingrwai kaba nga mut ban pyni na ka bynta kane ka phlim ka dei ha Chandigarh namar nga la leh ia ka shooting ha Chandigarh, i dei iwei na ki nongrwai ba bha sur bad i dei ruh iwei iba ioh ban bat ia ki jinghikai kiba nga la hikai ia i.Nga dwai ia u Blei bad ha Shillong ine i Batei i la long shisha kum ka Latata Mangeshkar, nga ai ka jingiaroh ia i, i dei iwei iba don ka jinglong kaba itynnad, i dei iba bha sur bad nga thrai ba ki briew ha Shillong ruh kin ia dwai lem ia i Batei.
RMS:Phi tharai ba i Batei in nang kiew sha jrong hapoh Bollywood ha ki por ban wan??
Dilip:Ha kane ka phlim kaba mynta, ynda ia kane ka jingrwai ngi la pyllait paidbah, nga tikna ba ki music director…… kin sa khot ia i kum i nongrwai bad kine kiei kiei baroh ka shong ha ka thong ka jong i, ka shong ruh ha ka mon jong u Blei, ka long ruh kaba eh ha ka liang jong ka jingrwai ka long ruh ba i hap ban hikai tikna ia ki jingrwai kumba nga la ai jinghikai ia i.Nga tharai ka por kan sa wan bad ki briew ruh kin sa tip shaphang i Batei.
RMS: Te na ka liang ka imlang ka sahlang ka jong ngi, ngi phah ka jing sngewnguh shibun ia phi ba phi la ai mynsiem lem ia i Batei.
Dilip: Khublei shibun, namar na ka liang ka jong nga, nga ju pyrshang ban iarap ia kito kiba thrang bad ki ban dang wan, nga ju pyrshang ban iarap ia ki.