Ka ban shu jngi ha ki lyoh ka Meghalaya: HS Shylla

Shillong, 10 Iaiong:
U bah HS Shylla, MDC jong ka seng United Democratic Party (UDP), u kam ba ka ain Meghalaya Town & Country Planning Act 1973, ka long kaba dkoh, naduh ba la thaw ia ka, namar la shu pynkylla tang ia ka kyrteng jong ka na ka Jylla Assam, sha ka Jylla Meghalaya bad na ka snem 1959 sha ka snem 1973, hynrei ki ain baroh, ki dei kiba long thik kum ka ain 1959 jong ka Assam.”Kane ka Act 1973 ka dei ba la kha iap, ka bym lah ban treikam la ha ki jaka sor (urban areas) ne ha ki jaka nongkyn-dong (towns and country sides) namar ki dei ki Autonomous District. Kumta, ka Act 1973 kam don lyngkha-trei ha khyndew lait noh tang ban shu jngi ha ki lyoh ka Meghalaya” ong ka kyrwoh na U MDC