Ka bakut kita ki sngi

AIS SUJA

Kaba kut kita ki sngi, ka mut ki sngi kiba khadduh tam. Te ha shwa kaba kut kita ki sngi kiba jynjar ia u bynriew pyrthei, ki don ki dak (signs) ban ithuh ia kata ka por. Kawei na kita ki dak kadei ka jingiohpat ki Israel ia la ka Ri ne Hima ha u snem 1948 A.D. Ia kane u Jisu u la dep iathuhlypa da kaba ong – To nang ia ka Pharshi u Diengdymbur, haba ka tnat kala khie lung bad sei sla, phi tip. Ka lyiur kala jan. Mathaios 24:32.

U Diengdumbur u thew ia ki Israel, ka tnat ka khielung bad sei sla, kadei ka jingiohpat ki Israel (Jewish) ia la ka Ri hadien bun hajar sngewbala pynsakma ia ki da u Blei sha kylleng ki Ri ka pyrthei.

Kawei pat kadak shwa kaba kut kita ki sngi, kadei ka jingbunkam ki briew shane shatai ban ia beh spah hajan hajngai bad ka jingkiew sted ka jingtip (knowledge). Daniel 12:4. Kine ki long kita ki sngi hashwa kaba kut jong kiei kiei ha pyrthei, kiba long ki dak. U briew u hap ban ia beh spah naduh u barit haduh u ba khraw khnang ban pyndep jingthoh ka ong, bun ki iaphet shane shatai. Ka jingtip ka roi, ka long sakawei pat kada kaba kut jong kita ki sngi ha kaba u briew u la ioh ia ka jingstad ha ka science bad technology kat haduh ba ki la klet pynban ba u don u Blei uba la ai ha kita ia kata ka jingstad hashwa kaba kut kita ki sngi.

Shwa kaba kut kita ki sngi (End of the age) kan long ka por kaba jynjar bha kat kata ym shym la don naduh ba la long ka jaidbynriew haduh kata kein ka por. Daniel 12:1. Kane kan wan hap ha kata ka por ka jingsynshar u Mrad khlaw kein. Ia kaba u Jisu ruh u la ong – ka kordit bah ka bympat julong na myndanglong ka pyrthei Mathaios 24:21. Kane kan jia tang shu pynieng pat ia ka Temple kaba lai ha Jerusalem hakaba u briew ka pop u khun ka jingjot un shong hangta unleh ialade kum u Blei. 2 Thessoloni 2:4. Bad hashwa ia kane kan don ruh ka jingphaidien kiba bun bah ki Khristan ha ka pyrthei, namar ka jingsheptieng jongki. 2 Thessoloni 2:3.

Ha shwa kaba kut kita ki sngi kin don ruh bun ki briew kin pynkhuid ialade naka pop ynphrang ruh ia ki ba kin long kiba janai. Daniel 12:10. Kine kilong ki sngi jong kata ka por kaba kut la hajan eh, kidon shibun bah ki dak (signs) ban iathuh ia ngi. Kawei kadei ka dak ki jingjia barabor ha Ri Israel bad haka Nongbah Jerusalem ia kaba u Ksuid u Soitan u pynkhih ir shi ir ban ialeh thma, bad lada ka thma kan long kaba jur ka lah ban wallam ia ka thma Bah pyrthei Balai (Third world war) namar khlem pep, lada kan don ka thma bah kata kan sdang na Israel, bad dei nangne u mrad khlaw un wan mih ban pyniasuk bad ka Israel da kaba un kular ban ai lad ia ka Israel ban ioh pynieng pat ia ka Temple Balai iakaba u Blei u khlem hukum.

Ngi long kapateng bynriew (generation) kaba iohi ia kine kiei kiei jong kaba kut noh kita ki sngi. (End of the age).

Suk uta uba pule, kita kiba iohsngew ia ki ktien jong kane ka jingiathuhlypa kiba sumar ia kita kiei kiei ba la thoh ha ka. KATA KA IA KA LA JAN. Jingpynpaw 1:3. Amen