Ka ANVC-B ka dei ban buh ktem sha Garo:UDP

Shillong, 7 Jymmang:
Ka United Democratic Party (UDP) ka la pyrshah ia ka jingthmu jong ka Sorkar Jylla ban iadi beit shakhmat ban buh thaw ktem ia ka kynhun kieng atiar ANVC-B ha u pud u sam ka ri Khasi.
U MLA ka UDP na Mawlai u Bah Embhahlang B. Syiemlieh haba kren ha u nongthoh khubor u ong ba ka UDP ka pyrshah ia kane ka jingwad jaka ka Sorkar ban buh ia ka ktem sah ki lehnoh ANVC-B. “Ngim don daw ei ei ia ki, hynrei ka ANVC-B ka ieng iakhun ban dawa ia ka Greater Garoland bad ka dei ruh ban phaikhmat tang sha rilum Garo, ym sha u pud u sam ka rilum Khasi”, la ong u Bah Syiemlieh.