Shillong: Ki nongniah trok jong ka Star Cement, ki la rai ban iashim bynta lang ha ka jingiakhih jong ki nongniah kali ha kylleng ka India, ban pyrshah halor kata ka ain jong ka sorkar India, kaba ong hit and run case.
U Ma Heipormi Suting, uba dei u draibar jong ka Star Cement, u iathuh, ba la sdang ia katei ka jing sangeh kamai jong ki kali, naduh mynta mynstep bad u iathuh, ba katei ka dei kum ka jingkyrshan jong ki nongniah kali jong ka Star Cement, kiba don da ki spah tylli, ia ka jingiakhih kaba la pynlong, da ki draibar ha kylleng ka India.
U bah Suting, ha ka jingiakren lyngkot, da ka mobile bad U Rupang, u ong “Katei ka ain, ka la long kumba buh lypa da u tyllai phasi ia ki draibar na ryndang”.
Ha kane ka ain thymmai jong ka Bharatiya Nyay Sanhita (BNS), la pynduh noh ia ka ain barim lane ka Indian Penal Code (IPC) bad kane ka ain, ka buh kyndon ia kino kino ki nongniah kali, kiba ia tyngkhuh kali, da kaba niah thurmur bad kiba phet noh ialade, na ka jaka jong ka jingjia, ba kin ngat ha ka jingshah set phatok, kaba shiphew snem, lane da ka kuna kaba T.7lak.
ka biang kane ka ain