Ka 3rd Asian Roll Ball Championship naduh ka 21tarik Rymphang

Shillong:Ia ka 3rd Asian Roll Ball Championship yn sa pynlong ha Shivaganga Roller Skating Club, Belagavi naduh ka 21 haduh 24 tarik u bnai Rymphang, 2019.

  Ha kane ka Championship, 16 tylli ki Ri napoh ka continent Asia kin sa iashim bynta bad kine ki Ri kilong: Saudi Arabia, Bangladesh, Yemen, Thailang, Nepal, Myanmar, Maldives, Bhutan, SriLanka, Chinese Taipei, Malasiya, UAE, Cambodia, China, Japan bad ka India kan long kum ka host ha kane ka jingiathong.  Palat ia ka 200 ngut ki player kynthup lang kynthei bad shynrang bad ki official kin sa iashim bynta ha kane ka jingialehkai.  Na kane ka jylla jong ngi, i bah Suklang dkhar iba dei i General Secretary jong ka Meghalaya Roll Ball Association i lah shah khot kyrpang ban don bynta kum u official ha kane ka championship.

  Ka Roll Ball kadei ka jingialehkai kynhun kaba hap pyndonkam da ka Roller Skates Khlem ka stopper.  Ka thong jong kane ka jingialehkai ka long ban pynshad ia ka ball bad thep hapoh ka goal.  Ia kane ka jingialehkai la pynmih da u Raju Dabhade na Pune, India ha u snem 2003.

  Naduh ba sdang ia kane ka jingialehkai, Ka International Roll Ball Federation ka la dep pynlong haduh 4 sien ki World Cups, 2 sien ki Asian Championship, 3 sien ki South Asian Federation Championship bad bunsien ki International series.  Ia kaba mynta, ki don palat ia ka 50 tylli ki Ri kiba ialehkai ia kane ka Roll Ball na 3 tylli ki continent.