Jynjar ka Umdih, lyngba ki kor hapoh Mawphu

Shillong, 21 Lber:
Ka shnong Mawphu kaba hap hapoh ka jingpeit ka sub division PHE Sohra ka dang jynjar ban ioh umdih na ki kor tong um, namar ba lah bun ki top um kiba lah jot bad pei thliew bad kiba khlem pynbha haduh mynta. Bun ki nongshong shnong ki ju bynniaw ha kaba iadei bad kane, naba ki hap ban leit tong um naki tyllong um kiba kham jngai na ka shnong bad ki hap ruh ban kit ia ki khiew, ki klong ha ki khoh ban leit tong umdih na kine ki jaka. Kane ka ju jia barabor hapoh kane ka shnong namar ba jngai ki jaka tong um bad ki ju pynlut ruh bun ka por ha ka ban maramot ka leit tong um. Kumta na ka liang ka shnong ka sngewkhia ha kaba iadei bad kane bad ka kyrpad ia ki bor dei peit ba kin pynbha noh khamkloi ia kine ki top um kiba lah jot khnang ba kin ioh biang ka um dih hapoh ka shnong, ong ka kyrwoh na u Para Legal Volunteer ka Shnong Mawphu Bah Betorien Wanroi.