Shillong: U Myntri tnad ialehkai ka jylla u Bah Banteidor Lyngdoh, MLA, u la leit iuh kjat hapoh ka Tirot sing Syiem indoor stadium kaba don ha Lachumiere. Kane ka jingleit jurip ka long shi bynta ban peit ia ka jinglong jingman kane ka jaka ialehkai shi bynta ban pynkhreh ia ka national games 2022 ha kane ka jylla.
U Bah Banteidor u jurip ruh ia ka ophis ka MSOA ha kaba katei ka kynhun jong ki seng ia lehkai ban ioh ia ka ophis kaba kyrpang na ka bynta ka MSOA.
Ha katei ka jing jurip la synran lang ka Kong W A Booth, ka Director ka Sports & Youth Affairs, bad ki ophisar, u Bah John F Kharshiing, Working President, Bah Ian Lyngdoh Nongkynrih, Vice President, U Chiranjib Choudhury, Gen Secretary, Bah K Warjri, Treasurer, Bah S Swett, Joint Secretary, Bah P Laloo, Bah Richard Dkhar, Executive Member ha ryngkat kiwei kiwei ki ophisar jong ka Meghalaya State Sports Council.
Hadien katei ka jingjurip bad ha ka jingiasyllok bad ki nongkitkam ka MSOA u Myntri u la kren skhem ba ki kam National Games ki dang iaid shaid shaid hapdeng ki jingpynkhreh bad shen kin sa khot ia ki jingialang jong ki Committee ki bapher bapher, la ong ka kyrwoh na u bah John F Kharshiing.