Jurip U MLA ia ka Umsohlang, ba kyrduh Um ka Mawlai

Shillong: Mynta ka sngi  ka 25 tarik u iaiong 2019  u MLA ka Mawlai  u bah ProcessT Sawkmie  u la lum ia ka jingialang ia baroh ki Rangbah shnong bad ki nong kit kam shnong jong ka dong Mawlai baroh kawei ha Umsohlang  (Mawlai Water Work) haba ladon ryngkat ruh u S.E Electrical u bah Marngar  u ba dei ban khmih ia ka Umsohlang bad u S.E jong ka Greater Shillong Water Supply Scheme u bah S.Lyngdoh. u MLA u la khot ia kane ka jingialang hadien ba la don bun ki ud jing nam na ka liang ki paidbah jong ka shnong Mawlai namar ka jing kyrduh um.

U MLA ryngkat bad ki Engineer  bad ki nongkit kam shnong, ki la bishar bniah ia ka rukom ringum bad pynkhuid um ha Umsohlang bad ki lashem ba ka um kaba ai sha ki paidbah ka long ka ba khuid ban dih, hynrei ka jingioh ki paidbha ia ka um ba jaboh ka long tang ki daw ba ki pipe ki laduh lut halor kine u MLA u ong ba ki pipe kin sa pynthymmai lut ha ki sngi ki ban wan.

Na ka liang  u social  media coordinator Meghalaya u bah A Massar  ula pynpaw ba ka lad ban iada ia ka Umsohlang bad kiwei ki tyllong um ka long ban pynkhlain shuh shuh ia ka rukom shalan um na ka Mawlai Water Work namar tang shu ymdon shuh ka Mawlai Water Work ka phud Umsohlang kan sa long kum ka nala ba ijli.