Nongpoh: Ki nongmihkhmat ka Nongpoh Constituency kiba kynthup ia u Bah Mayrald Born Syiem (MLA) bad u Bah Balajied Rani (MDC), hynnin ka sngi ki la leit ban jurip ia Lai tylli ki jaka sumar nongpang, kata ia ka Nongpoh Civil Hospital, ia ka Marngar PHC bad ka Umden PHC.
Lyngba katei ka jingleit jurip, kitei ki nongmihkhmat ka Nongpoh, ki la ioh ruh ban twad jingmut na u DM&HO ka Hospital, ioh lehse don kino kino ki jingdonkam ba kyrkieh ha kaba kum kane ka por ba ka Ri bad ka jylla hi baroh kawei, ki dang don ha ka thma ban iakhun pyrshah ia u COVID-19.
Ha katei ka jingleit jurip, la lap shisha ba ki dang don shibun ki jingdonkam ba kyrkieh ba kum ki jaka sumar paidbah ki dang donkam ban pynbit pynbiang, kata naduh ki kamra ban buh ia ki nongpang kiba ngat ha u COVID-19, ki tiar ki tar iada ïa ki nongsumar kum ki Doctor, ki Nurse lem bad kiwei pat ki jingdonkam. Haba iadei bad katei ka jingleit jurip, u Bah Mayral Born Syiem, u la ba ka nongrim kaba la pynlong ia u ban leit jurip ia kitei ki jaka sumar paidbah, ka long ban tip dalade halor ka jinglong jingman ki jaka sumar ha Ri Bhoi bad khamtam eh kaba iadei bad ka Civil Hospital kaba don ha Nongpoh, kaba dei ka jaka ka ban sa pynlong kum ka jaka ban buh ia kito kiba ioh ia u COVID-19.
Hadien ba la lap ia kitei ki jingduna, na ka liang u Bah Mayrald Born Syiem, u la ong ba kum u nongmihkhmat, un shimkhia ha ka ban kren sha ka sorkar na ka bynta ban pynbiang noh mardor halor kitei ki jingduna ha kitei ki jaka sumar, u la bynrap.
Phi don ban ong eiei?