Jurip maw pud ki heh sorkar na Bangladesh ha Pyrdiwah

Shillong, 8 Rymphang:
Ka la don ka jingiakynduh ka kynhun ki heh ophisar na ka ri Bangladesh bad ki heh ophisar na kane ka jylla na ka bynta ban leit jurip lang ia ki khappud Bangladesh bad Meghalaya ha ki jaka jong ka Lyngkhat bad ka Pyrdiwah kiba ym pat ker sainar shiah. La iathuh ba ki don 6 ngut ki heh jong ka ri Bangladesh kiba la wan sha Shillong ban ia kren ha ka jingialang ba-ar sngi jong ki ka ban sa kut noh lashai ka sngi bad la ong ba ia katei ka kynhun na Bangladesh la lamkhmat da u Sheikh Abdul Ahad General Director ka Land Recors and Survey ka sorkar Bangladesh katba na ka jylla Meghalaya pat la iathuh ba la donlang u PW Ingty Additional Chief Secretary ba dei peit ia ka GAD, ka kong I Mawlong Director jong ka Land Record. La ong ba katei ka dei ka jingialang kaba 133 ia kaba la tip kum ka Joint boundary Conference. Shuh shuh la iathuh ba kitei ki heh jong baroh ar tylli ki ri ki la leit mynhynnin ka sngi sha Lyngkhat bad Pyrdiwah ban jurip ia ki katto katne tylli ki jaka.