Jurip ka KSU, lap ba shah pynphai 60 tylli ki kali kit jhur

Shillong:Myn hynnin ka sngi ka Khasi Student Union lyngba ka shnat trei kam ka “Consumer and Farmers Protection Cell” hapoh ka jingialam jong u samla Eric Nongkynrih secretary ki la leit ban jurip ia ki iew die jhur kiba don ha sor bad khap sor.

Haba ia kren halor kane ka bynta, u la pynpaw ia ka jingsngewkhiah halor ka jingshah bat bad ka jingshah pynphai ia ki kali jong ki kali kit jhur jong ki nongrep ha kaba u la pynpaw ba kumba 60 tylli ki kali kit ia ki marrep ki la shah pynphai.
Mynta ka sngi u la iathuh ba ka jingleit jurip jong ki ia ki nongrep na ka liang jong ka KSU ka la shem ba ki nongrep ki la shah ban bein, ha kaba bun buh ki kali kit marrep kila shah pynphai noh shiteng lynti ha ki pulit.
U la iathuh ba tang ha kine ki khyndiat sngi haduh mynta ka sngi kumba 60 tylli tam ki kali kit marrep ki la shah pynphai noh na shiteng lynti ha ka ba u la buh ruh ia ka jingkylli halor kane kane ka jingbym ailad ha kine ki sngi bad kum ka seng kala leit ban kren bad la pynlait ia ki, lada ka sorkar kam pynlait sha ei kin leit die.

Ha kaba iadei bad ki pass kali la iohi ia ka jingpynbeit thymmai ka sorkar na ka bynta ki nongrep, hynrei bun ki dang klumar namar ki bor sorkar ruh ki dang klumar ia kane bad na ka liang jong ka KSU ka la dawa ba dei ban ai bun sngi ia ka pass ym tang shisngi. Ka ophis jong ki DC, ki BDO ki nongkit kam shnong kin shim khia ia kane khnang ba kin suk ki nongrep.
U la iathuh ruh ba hadien ka jingleit jurip ka seng KSU, ka pynpaw ia ka jingsngewsih ban iohi ia ka jingkren tohmet ia ki nongrep bad pynjulor ia ki mar ki mata kiba kine ki nongrep ki wanrah,katba ia kiwei ki briew na kiwei ki jylla ki shah ia ki ban wan ha to ki matlah ban iohi ia ki nongrep ka jylla.

Na ka liang Ka KSU ka kyntu ia ki bor ba dei ban shim khia ia ka ne ka bynta namr ba la da kim shim khia kan buh jingeh ia ki nongbam ruh kin ioh bam naei bad ki la kyntu ruh ia u myntri kam poh iing ban iarap ia ki nongrep.
Na ka liang jong ka seng ka la pynpaw ba ha ka ba ia dei bad kane ka jingeh jong ki nongrep ka KSU ka don ryngkat bad ki bad lada ki mad kano kano ka jingeh ki lah ban wan pynpaw sha ka seng,u la bynrap.