Shillong: Ka Khasi Student Union Thadlaskein Unit ha ka jingialam u President ka unit samla Conard R Sana, General Secretary samla Sendmisaoo Phawa ryngkat ka jing synran lang u Assistant Finance Secretary, Jaintia Hills District Unit u samla rangbah Shaniahskem Dkhar, bad u Publicity Secretary, Nartiang Circle u samla Juhhi Tariang, ki la hiar jurip ia ka Industrial Training International (ITI), kaba don ha Khliehtyrshi bad katei ka dei, halor ka jing ud jing nam jong ki khynnah pule jong katei ka ITI Khliehtyrshi sha ka seng halor ki jing bymbiang ki practical/theory.
Ka seng myn hynnin ka sngi, ka 30tarik Risaw 2020, ka la leit hiar jurip ia ka Industrial Training International (ITI) kaba don ha Khliehtyrshi.
Ha ka jingjurip jong ka seng ki la ioh ban iakren bad u Vice Principal jong katei ka Institute kaba don ha Khliehtyrchi. Te ha kane ka jingiakren bad u Vice Principal u la pynpaw ba ka dang don sa kawei ka course ka bym pat biang ki tiar bad ka jingslem ban ioh kita ki tiar ka dei namar u Covid-19 ha kaba kiba wan rah ia ki tiar ki hap ban leh quarantine ha man la ki jylla haduh ban da poi ha jaka. Kumjuh ruh u Vice Principal u ong ba ka lah ban shim por haduh 2 bnai eiei ban pynbeit bad ruh ban pynbiang ia ki jingdonkam hapoh kane ka Institute.
Kumjuh ruh kum ka seng ka lap ba ka surok sha kane ka institute ka la long kaba la sniew palat. Na liang ka seng ngi kyrpad jur ruh ia kiba dei peit ba kin peit lem ia kane ka surok bad ruh ban pynkloi ia kane namar ka jingdon jong kane ka Institute ka pynmyntoi ia shibun ki samla kiba don hapoh kane ka thaiñ bad ka District hi baroh kawei.
Phi don ban ong eiei?