Jurip jaka ot doh u bah HDR, ha Mawiong

Shillong,6 Nailur:
U bah HDR Lyngdoh, myntri sorkar ryngkat ka u bah P.T Sawkmie MDC Mawlai ha ryngkat ka jingdonlang ka Director Veterinary, Officer Veterinary Rangbah Shnong Mawiong Umjapung Bah T. Kharkongor, ki riew rangbah na ka shnong, lem ki nongkitkam ka Mawlai Block Congress Committee kaba kynthup na ki Mahila Committee, bad Youth Wing kila leit jurip ia ka ABATOIR ne ka jaka ot doh kaba don ha Mawiong Umjapung. Katei ka jingleit ia kynduh ka dei namar ba u bah HDR Lyngdoh u kwah ban plie noh ia katei ka projek.
Ha katei ka jingleit jurip u MDC ka Mawlai u la kyntu ia u bah HDR ba katei ka jaka ot doh kan ym ktah ia ka umbam umdih jong katei ka shnong bad u la kyntu ruh ban buh ia u Rangbah Shnong Mawlai Umjapung Mawiong rim kum u dkhot ka Management Committee ban peit ia ka jingdonkam katei ka projek, namar ba ha ka jingpynbna ka sorkar kaba la dep kam shym la buh bynta lang ia ki bor shnong.
Ha kajuh katei ka sngi u bah HDR ryngkat bad u MDC ka Mawlai ki la leit jurip ia ka jingdheng kali hapoh Mawlai Petrol Pump.
U Bah Sawkmie ula kyrpad ia u Bah HDR Lyngdoh ban iarap lem ban peit bad thaw ia kane ka jingdheng kali kaba sdang na Petrol Pump shaduh shapoh Mawiong Umjapung, Nan Kabrin, Marten bad teng teng ka poi wat shaduh Dairy Milk.
U Bah HDR lyngdoh Minister Home ula kyntu ia u SP Traffic ban peit lem ha kano ka rukom ban weng ia kane ka jingeh, kumjuh ruh na kaliang u SP Traffic ula kular ban shimkhia ia kane ka jingeh.