Jur slap tam ha Sohra, duna tam ha Umiam, lah ban slap jur lashai ka sngi

Shillong: Ka jinghap slap, hynnin ka sngi, ha Shillong, ka long 11.5mm, katba mynta ka sngi, ka long 15.7mm; katba ha Sohra, ka jinghap slap, hynnin ka sngi, ka long 86.6mm bad mynta ka sngi, ka long 45.6mm. Ha Umiam, hynnin ka sngi, ka long 6.6 mm bad mynta ka long 15.0mm.

Ha ki 24 kynta, ki ban wan, kan lah ban don ka jinghap slap, kaba malu mala lane kaba kham jur ha ki bynta jong ka nongbah Shillong bad ki shnong ba marjan jongka. Ha ki bynta jong ka jylla, kan don ka jinghap slap, kaba jur bad kaba jur bha bad kan don ruh ka jingkhie eriong bad tied pyrthat, ong ka khubor jong ka India Meteorological Department (IMD) jong ka sorkar India.