Jur slap tam ha Shella, bud sa ka RKM Sohra

Shillong:Ka jinghap slap ha Shillong, hynnin ka sngi, ka long 54.0mm, katba mynta ka sngi, ka long 6.6mm, katba ha Sohra, hynnin ka sngi, ka long 121.6mm bad mynta ka sngi, ka long 10.6mm bad ha Umiam, hynnin ka sngi, ka long 48.7mm, katba mynta ka sngi, ka long 3.4mm.
Ka tnat peit mariang jong ka sorkar India, ka India Meteorological Department (IMD) ka ai jingmaham, ba kan don ka jinghap slap kaba jur bad kaba jur bha, ha ki bynta jong ka jylla, ha kaba kan don ka jingtied pyrthat bad meh leilieh ruh. Ha Shillong, ka jinghap slap, kan long kaba jur bad kaba kham jur ruh ha ki 24 kynta ki ban wan.
Ka jinghap slap, ha kiwei ki bynta jong ka jylla, ha ki 24 kynta ba ladep, ka kynthup ia ka Shella, kaba long 184.0mm, nangta ha RKM Sohra, kaba long 150.6mm bad ha kiwei de ki jaka.