Nongstoiñ: Mynta ka sngi, ha ka por 11 baje mynstep, u slap ha ryngkat u phria u ba jur u la ther tyngeh ha kiba bun ki shnong jong ka thaiñ West Khasi Hills District, haduh ba bun tylli ki Iing ki sem ki la julor kynthup ia ki jingthung jingtep.
U phria uba la synshop jubor ha ka thain Mawshyntur ha ka step jng ka Sngi Thohdieng:Rupang
Katkum ka jingioh lum jingtip jong u nongthoh khubor, la ong ba ka jingther jong u tei u phria ka la jur bha ha ka thain Mawshynrut Civil Sub Division ha kaba da ki spah tylli ki iing ki sem, ki la julor kat haduh ba ki tin sop iing ki la pei thliew lut khait, bad kumjuh ki kali ruh bun kiba la julor namar ka jingwan hap jong u tei u phria u ba jur bha.
Kiwei pat ki lad khubor, ki iathuh ba ka jur bha ka jinghap phria mynta ka sngi, ha ka por 1.30 nohsngi ha kiba bun ki jaka jong ka West Jaintia Hills. La iathuh ba u phria, uba ka jingheh jongu, ka long kat ka pylleng syiar, ula tied bad pynjot ia kiba bun tylli ki iing ha ki shnong ha Mynso, Pammanik, Mynktung, Mowkyndeng.