Jur ki kam rahbor ha Garo

Shillong, 18 Jylliew:
Ka jingkynrei jong ka jingshah rahbor ka la
wanrah jingtieng ia ki paidbah ha Garo hills. Katkum ka rekod jong ki
pulit la pyni ba ka jingjur ka jingshah rahbor mynta u snem ka la nang
kiew shuh shuh. Kat kum ka rekod ki pulit ha u bnai Kyllalyngkot bad u bnai Rymphang ki
don haduh 29 tylli ki jing jia shah rahbor ha kane ka jylla bad kham bun dei ha Garo hills. Naduh u snem 2001 haduh 2013 la don haduh 140 tylli ki kam rahbor ha kane ka jylla bad 190 tylli k idei ki kam pyniap.
Ki nongtrei sorkar ki ba trei ha kylleng ki jaka kiba hap ha Garo hills ki don da ki jingtieng namar ba ki kynhun lehnoh kim don kano kano ka lad ban dawa pisa lait na ka ban shu rahbor. “Kane ka dei ka lad kaba suk ia ki ban ioh pisa.
Ka jingtih dewiong ha kane ka jylla mynta la khang, dei namar kane ka daw ba ki lehnoh kim don shuh kano kano ka lad ban kamai pisa lait na ka kam rahbor”, la ong u heh pulit ka Baghmara ka South Garo Hills.