Jur ka shah tuh Bolero ha Shillong

Ki pulit ka nongbah kila iathuh ba ka jingjur jong ka jingshah tuh ki kali Bolero kala nangjur katba nang mih ki sngi na kadaw ba ki nongtuh ki pyndon kam da kiwei pat ki shabi kiba. Kumta na ka liang ki bor pulit ki la kyntu bad bthah ia ki trai bad draibar kali ba haba ki set ia ki kali kin da set bha bad ban da khang pynskhem bha ruh ia ka khyrdop iing, nangta haba ki pynieng ia ki kali harud surok ki dei ban rah lang ia ki kot ki sla kali khnang ban lait na kino kino ki jingshah tuh shah thiem. Shuh shuh lada don kino kino kiba shah tuh, ki dei ban pyntip noh mar mar sha ka control room jong ki pulit da kaba phone ha u No.2222277, kumjuh ruh ki bor pulit ki kyntu ia kiba shah tuh ba kidei ban da batai shaphang ka kali naduh ka model, ka rong kali, string kali bad kiwei kiwei khnang ban pynsuk ia ki pulit ban lapdien ia ki nongtuh.