Jur ka shah lehbein u lok ha ka lok, ha Assam

Guwahati,
07 Jylliew:
Toi ha bun ki khep la ju shem ba ktien ‘lehbein ‘hi ka ju mih ba leh u lok ia ka lok ha jingiadei shi tnga ha iing ha sem;hynrei imat kane ka ktien mynta ka la kylla khongpong ha kine ki sngi ban phalang jur noh sa sha ka kynthei.Ban pynshisha ia kane ki tyllong khubor ki iathuh ba ki kynthei ki la kham dakait ban ia u shynrang, kumta u shynrang mynta u ju shah lehbein ha la lok ha kine ki sngi ha iing ha sem haduh ba sa mih ka pra khiew ja.Ia kane la sakhi ruh na ka jingjia kaba la kynrei hapoh ka jylla Assam ha kine ki sngi, ha kaba u lok u hap ban ujor ia la ka jingshah lehbein sha iingbishar.
“Ka jinglehbein u lok ha ka lok, ka la jia barobor ha kine ki sngi haduh ban hap ia pyllait sanshyieng noh da ka Iing Bishar ha Assam”ong ki tyllong khubor.
Dang shen u wei u longkpa u la hap ban ia pyllait sanshyieng noh bad ka la lok hakhmat ka Iingbishar,hadien ba u la ujor ba u la shah lehbein jubor ha ka ‘liew iing ‘liew sem”bynrap ka khubor.Shuh shuh la ong ba nalor utei, don bun ruh kiwei pat ki kam kes, kiba mih na kum katei ka jingshah lehbein ki shynrang ha la ka lok,mynta ki sngi ha katei ka iingbishar.
Ho,oid lah ban pynkynmaw ba ka ktien ‘shah lehbein’ ka lah ban thew la ka jingshah lehbein ha ka met ba kynja doh ne kumjuh ha ka bor pyrkhat pyrdain.Kum kane ka jingjia mynta ki shynrang ha Assam ki mad kynrei bha.
Na ka liang u nongaiktien ba rangbah ka Family Court, u iathuh ha ki tyllong khubor ba jan 600 tylli ki kes ia pyllaitsanshyieng ha u snem 2012 bad jan 2,000 tylli kiba dang sah kut haduh mynta.
Hynrei na kitei ki kes kumba 20 persen, ki dei ki kes kiba pynpaw ba u lok u pan iakhlad na ka daw ba u shah lehbein palat hala ka lok .Shuh shuh katei ka iingbishar ka iathuh ba ha u snem 2012, kumba 1500 tylli ki kes pan iakhlad lok la ujor sha ka Family Court, Guwahati.Ka iingbishar ka pynpaw ruh “Ka jingpan pyllait sanshyieng bun ka wan na ki briew kiba la nang la stad.
Ka kes ki shijur halor ka kam ka jam ,dei kawei ka kam thymmai ka jylla Assam ka mad” bynrap utei u heh ka Iingbishar.Nalor kane don ruh palat 1400 tylli ki kes kiba ujor halor ka jingbym biang bymbit bad ka jingbymlah ban kitkhlieh, kum u kpa ne ka kmie ,la ujor ha katei ka Family Court ha u snem 2012.