Jur ka jinghap slap bad hap phria ha kylleng ka Ri Khasi Jaintia

Shillong: Myn hynnin ka step, ka la don ka jingther jur u slap ha kylleng ka Ri Khasi Jaintia, ha ryngkat ka jinghap phria bad katei ka la pynthut shibun ia kiba leit sha ki jing iaseng heh, namar ba la sngewthuh ba ka dei ka sngi, ha kaba ki don bun jaka ki jingiaseng Presbytery jong ka balang Presbyterian ha ki bynta jong ka Khasi bad Jaintia Hills hi baroh kawei.
Wat la ka jinghap slap, kam shym la don ha ka nongbah Shillong, hynrei hynnin ka miet, ka la don katei ka jinghap slap kaba jur bha lem bad ka jinghap phria bad tied pyrthat ha ki bynta jong ka nongbah Shillong.
Kat haduh ba thoh ia kane ka khubor, la iathuh ba ki bynta jong ka thain Riwar, ki dang iai bteng ban hap slap jur bha bad kumjuh sha ki bynta jong ka Jaintia Hills ruh kumjuh, ha kaba ki la don kiba ujor ba ki jingthung jingtep, ki la julor lut na katei ka jinghap phria mynta ka sngi.