Ha ka elekshon President ha United States of America, U Donald Trump, ula jop ha ka jylla Indiana, katba U Joe Biden, u kandidet jong ka seng Democrat, ula nang tam ha Florida bad ha Georgia, katba ka jingniew vote, ka dang sdang iaid shakhmat.
Ka CNN, ka iathuh ba Joe Biden, un jop ia ka jylla Massachusetts. Ki don 11 ki electoral vote ha Massachusetts. Ka donkam 270 ki electoral vote ban jop ia ka elekshon President.
La iathuh ba U Donald Trump, ula jop ruh ia ka South Carolina. U Trump, u jop ia ka elekshon 2016 na katei ka Jylla, ha ka jing iakhun pyrshah ia ka Hillary Clinton. Ka South Carolina, ka dang shu leit thep vote President ha kane ka sien, hadien ba kam shym la thep vote shuh, hadien ka jingjop U Jimmy Carter, ha u snem 1976.
Kiba thep vote hynnin ka sngi, ki poi sha ka 160 million ngut, kaba long 67 percent kiba leit thep vote.
Ki result kiba kham shai, ki iathuh ba U Trump, ula jop ia ka Indiana, Kentucky bad ka West Virginia, baroh ki jylla, kiba u jop ha u snem 2016. U Biden, ula jop ia ka Vermont bad ka Virginia. Haduh mynta U Trump, ula ioh 24 ki electoral vote bad 16 ia U Biden.
Phi don ban ong eiei?