Julor T.10 lak ba shah thombor

Shillong, 28K’lyngkot:
U Donush Siangshai u la ujor sha ki pulit ka Saipung PS ba ha ka 23 tarik mynta u bnai ha ka por 11 baje mynstep, saw ngut ki briew kiba la tip kyrteng kum u Kyrshang Tangliang, uba dei ruh u rangbah shnong ka ka Umkyrpong , u Jibson Lama re, Secretary shnong, u Phamlis Manar, rangbah shnong barim bad u Bimel Sumer, u secretary shnong barim ryngkat ki paidbah kumba 80 haduh 90 ngut kiba la rah da ki suloi ki wait , ki pistol bad kiwei pat ki tiar ialeh , ki la pynjulor ia ka lyngkha rep jong u naduh ki jingthung jingtep haduh ki dieng ki siej, bad kitei ki paidbah hapoh ka jingialam u rangbah shnong ki la pynjulor lut ia baroh ki jingdon jingem jong u Ma Siangshai, u la ong ba ka jinglut baroh ha katei ka jingshah pynjulor ka la kot sha ka T.10 lak tyngka. Ki pulit ki dang tohkit ban lap ia ka daw ba la mih katei ka jingjia.