Julor ki ing ba twa khyndew

Shillong,13 Risaw:
Ka la don ka jingtwa khyndew ha Dobasipara, Tura, West Garo Hills ha ka miet sngi thohdieng ha kaba ha katei ka jingtwa khyndew kumba 5 haduh 7 tylli ki ing briew ki la shah ktah hynrei ha katei ka jingjia ym shym la don mano mano pat ba mynsaw. U Deputy commissioner ka West Garo hills u Pravin Bakshi u la ong ba katto katne ki ing ki la julor ha katei ka jingtwa khyndew bad la bthah ia kito ki bas ah hapoh ki ing ba kin mih noh na ing sah jong ki kum ka dak ka jinghusiar lypa na ki jingma. Hadien katei ka jingjia la phaha noh mar-mar ia ki lad ai jingiarap ba kin wan sha katei ka jaka , la iathuh ba katei ka jingtwa khyndew kala ktah ruh ia ka surok bah National high way hynrei hadien pat la pynkhuid noh ia ki ktieh kiba la sahkut ha katei ka surok bah.