Julor ka kali remdor ba tynrah ia u maw harud surokbah ha Jyntru

Nongpoh: Kawei ka Ford Mustang GT, ka kali remdor bad kaba don ia u number UP 16 1423, ka la julor bha ha ki bynta ba shakhmat, hadien ba ka la leit ban tynrah ia u Maw uba la don harud ka surok bah NH-6 ha shnong Jyntru, Ri Bhoi.
Katei ka kali, ka dei kaba mih na Nongbah Shillong da ka jingthmu ban hiar sha Guahati, hynrei haba la poi ha katei ka jaka, u nongniah um lah ban tehlakam shuh bad kaba la pynlong syndon ia katei ka kali ba kan leit tynrah ia utei u maw uba la don ha katei ka surok, namar ka jingtwa khyndew.
Ha katei ka kali kaba la shong tang arngut, la niah da uwei uba la tip kyrteng kum u Aldrin Ahmed, na Beltola Assam, hynrei ha katei ka jingjia baroh arngut kitei kiba shong ha katei ka kali, kim shym la mynsaw ei ei ruh em, lait noh tang ka jingjulor katei ka kali.