Shillong: Da ki spah tylli ki jaka rep ha ki thain Shella ki la julor lut, hadien ba ka ding ka la bam shngiam lut ia ki jaka rep khamtam ha ki thain Byrwa, Rikom Umkon kaba la sdang naduh ka miet sngi u Blei haduh mynta ka sngi.
Haba iakren bad u bah Prince Starwell Sorubai u Vice President ka Hills Farmer Union (HFU), u la iathuh ba ki jaka rep ki ba la shah pynjulor ha ka ding kiba bun eh ki dei ki bri kwai, ki jaka rep soh niamtra, rep tympew, ki Sohmanir, ka Kait bad bun kiwei ki jingrep bad da ki spah tylli ki jaka rep jong ki briew kila julor lut.
U la iathuh ba kane ka jingpluh ding kala jia ha ka miet sngi u Blei kata ha ka 5 tarik u iaiong 2020 bad ka jingklang jong ka dieng ka dang neh haduh mynta ka sngi,ha ka naka liang ki nongshong shnong kane ne ka thain ki shem shitom ban pynlip ia ka jingklang jong ka ding.
U la iathuh ruh ba naka liang ki nongshong shnong ki la dep ban pyntip ia kane ka jingpluh ding ki jaka rep sha ki pulit pynlip dieng hynrei namar ba kala jngai palat na ki surok wat la ki pulit pynlip ding kila wan hynrei kim shym lah ban leh ei ei shuh. Ia ka daw ka jingkem ding jong kine ki jaka rep ym pat lah ban tip hynrei ka thain Shella kaba shah ktah ha kane ka jingpluh ka ding ka hap hapoh jong ka Bholganj Block, jong ka Sohra Civil Sub Division.
Phi don ban ong eiei?