Julor bun ki ing hadien ba bom u phria ha ki thain Sohra

Shillong: Ha ka miet 19 tarik u ïaiong, ka la don ka jinghap phria kaba jur bha ha ki thaiñ Sohra kaba la neh haduh 12 baje nohphai sngi ka 20 tarik iaiong 2020.

Ha kane ka jing ther u phria bad ka jing bom pyrthat ha ka thain la ioh lum khubor ba la don bun tylli ki ïing briew kiba la julor. Ha kane ka jing jia ka la don ruh ka jingbthei jong ka bording ha kawei na ki kamra treikam hapoh Ramakrishna Mission, Sohra bad ha katei ka jingjia, u atoskhana jong katei ka jingtei u la kem ding.

Ka jingkem ding ha Ramakrishna Mission la lap nyngkong eh da ki briew ba don hapoh ka Ramakrishna ha ka por 7 baje hadien ba ki la iohi ia ka tdem kaba mih na katei ka jaka. Ki briew kiba sah hapoh Ramakrishna Mission ki la pyrshang ban pynlip ia ka ding da ki ‘Fire Extinguisher’ bad da ka um bad ha ka por 9 baje mynstep pat la wan ka kali pynlip ding kaba la lah ban tem ia ka dieng.