Shillong:Ki seng kynthei ka STIEH, HANM Women’s Wings bad KSU Khliehriat Unit hadien ba ki lah ioh jingpyntip na kawei ka thei samla kaba leit skul ha Khliehriat kaba don 19 snem ka rta, ba don 2 ngut ki bar jylla kiba lah tip kyrteng kum u Monjura Ah med bad u Halim Uddin kiba na Karimganj, Assam kiba die slipar ha iew Khlieh riat ki la thmu ban leh beijot bad ki lah jrong kti ia ka, ha ka 8 tarik Rymphang 2022 ha ka por ba ka mut ban thied slipar ha dukan jong u.
La iathuh ba u la khot ia ka sha kyndong da kaba ong ba dang don ki slipar thymmai ba dang wan bad da ka jingkhuid mynsiem ka la rung hapoh kata jaka buh stock slipar bad u lah rung lang hangta u la ktah kti ia ka met ka phad jong ka. Katei ka thei samla, ka la ia ksaid hangta hynrei lah rung sa uwei uba dei u paralok jong u bad uta ruh u lah jrong kti bad u lah ong lah dei sa ka pali jong u, hangta u lah pyrshang ban doh daka bor ia i. Hangta ka la iaksaid bor bah bad ka lah lait phet na kti kita ki bar jylla.
Ynda lah poi ha iing ba ka sah wai, ka lah iathuh ia ka para ba sah wai bad kumta ki lah pyntip ia ka President ka STIEH.
Mynta ka 11tarik 2022, lah wan ban buh ka jingujor ha Women’s Police Station Khliehriat bad da ka jingiarap ki pulit la leit ha dukan kita ki bar jylla ban leit kem ia ki. Haba thmu ban kem ia uta u Halim Uddin u la ksaid ban phet hangta lah ia kdong tyngeh ban ioh bat ia u bad haba la hylla ban bat ia u hangta lah don ki riew paidbah ki lah bat ia u bad ki lah shimti ki Pulit ia kine ki bar jylla baroh arngut.
“Ngi na ka liang ki seng kynthei ngi kwah ban kyntu ia ki para kynthei samla ne longkmie ba lada don mano mano ba jrong kti iaki kim dei ban tieng hynrei ki dei ban mih shakhmat ban ujor sha ki bor jong ka aiñ. Kim dei ban ap haduh ban da dep shah leh beijot hynrei wat haba don ba jrong kti ia ki, ki dei ban pyntip iaki sengbhalang bad ban ioh ujor sha ki bor jong ka aiñ. Ngi kwah ruh ban ai khubor ba shai ia ki kynthei Khasi kiba iada mynder ba kim dei ban iada ia ki mynder kiba leh ia ki kam ba sniew ioh kin ngat case lang ma ki ruh”.
Phi don ban ong eiei?